Detajet/ Rama mban nesër fjalën e tij para OKB-së

Kryeministri shqiptar Edi Rama do të mbajë nesër fjalim në sesionin e 81-të të Asamblesë së Përgjithshme të Kombeve të Bashkuara në Nju Jork.

Shqipëria është caktuar në grupin e vendeve që do të marrin pjesë në seancës e së premtes.

Rama do të mbajë fjalën e tij në seancën e paradites, në të cilën marrin pjesë po ashtu edhe udhëheqësit e lartë të disa shteteve, përfshirë Maqedoninë e Veriut, Monakon, Maltën, e të tjera.

Sipas rregullores, fjalimet e secilit udhëheqës pritet t'u përmbahen një kufiri vullnetar prej 15 minutash, megjithëse shumë prej tyre i zgjasin më shumë dhe seancat vazhdojnë derisa të kenë folur të gjithë folësit e planifikuar.

Rreth 130 krerë shtetesh dhe qeverish janë caktuar të marrin fjalën në Asamblenë e Përgjithshme vjetore të Kombeve të Bashkuara, me rastin e hapjes së debatit të përgjithshëm të nivelit të lartë.

Debati që filloi të martën e 22 shtatorit do të përfundojë ditën e hënë, më datë 28 shtator./CNA