Pas bisedimeve me SHBA-në/ Lukashenko liron 15 të burgosur politikë

Presidenti i Bjellorusisë. Alexander Lukashenko ka falur 15 të burgosur politikë në një dekret të lëshuar të hënën pas bisedimeve me të dërguarin e Presidentit të SHBA-së Donald Trump javën e kaluar.

I dërguari i Trump, John Cole, ka negociuar me Lukashenkon për më shumë se një vit, duke siguruar deri më tani lirimin e qindra të burgosurve, përfshirë figura të opozitës, aktivistë, gazetarë dhe avokatë, në këmbim të heqjes së disa sanksioneve të SHBA-së.

Zyra e Lukashenkos tha se 15 personat e liruar përfshinin 10 gra, ndërkohë 13 prej prej të liruarve kishin "kryer krime me natyrë ekstremiste". Po ashtu u tha se amnistitë u dhanë pasi ata kishin kërkuar lehtësim dhe kishin shprehur keqardhje.
 Lirimet përfaqësojnë përparim të mëtejshëm gradual drejt qëllimit të Cole për të liruar të gjithë të burgosurit e mbetur këtë vit.

Gjatë vizitës së tij javën e kaluar, ai siguroi lirimin e 25 personave, përfshirë gazetarë dhe aktivistë të shquar, një numër shumë më i vogël se 250 të liruar gjatë vizitës së tij të mëparshme në mars.

Lukashenko, nga ana tjetër, ka kërkuar lirimin e 43 deri në 44 milionë dollarëve në asete të ngrira bjelloruse që ai thotë se janë "të bllokuara" në Citibank, dhe Cole premtoi javën e kaluar se do ta adresojë çështjen. /CNA