Mbledhja e Këshillit të Sigurisë Kombëtare/ Gazetari: Vetë anëtarët e tij prodhojnë pasiguri kombëtare

Gazetari Basir Çollaku ka komentuar pasditen e sotme, lajmin për mbledhjen e Këshillit të Sigurisë Kombëtare javën e ardhshme.

Në një dalje televizive, Çollaku tha se 80% e anëtarëve kryesorë të Këshillit janë ose të pandehur ose nën hetim nga drejtësia. Sipas tij këta persona janë vetë ata që prodhojnë pasiguri kombëtare.

“Ka frikë se i thotë Rama mos e mblidh dhe do të ndërrojë datën. Këshilli i Sigurisë Kombëtare në 80% të tij është nën hetim ose i pandehur. Vetë Begaj është në ëhetim poër historinë e bazave detare. Ramës nuk ka dosje në SPAK që nuk i del emri. Ministri i Mbrojtjes del te përgjimet për trafikun e armëve. Shefja e SHISH është me masë arresti. Kush ka ngelur? Pjesa e mbetur janë me rol vëzhgues. Aty mblidhen të pandehurit për të pyetur çfarë do të bëhet me sigurinë kombëtare, kur në fakt po ata janë prodhuesit e pasigurisë kombëtare. Ky Këshill, në këtë status nuk duhet të ketë akses në informacion. Se këto e marrin paradite dhe e çojnë pasdite të shokët e Gysit. Është një rutinë që do përpiqet ta bëjë Begaj për shkak të presionit publik dhe jo detyrës”, tha Çollaku.

Mbledhja e Këshillit të Sigurisë Kombëtare vjen pas caktimit të masës së sigurisë “arrest në shtëpi” ndaj drejtueses së Shërbimit Informativ Shtetëror, Vlora Hyseni, e kërkuar me ngulm përgjatë dy ditëve të fundit edhe nga opozita shqiptare. /CNA