Lufta në Lindjen e Mesme/ Netanyahu në OKB: Rrëzimi i regjimit iranian është vetëm çështje kohe 24 Sh...
“Shqipëria kërkon revolucion”/ Sot dita e 117-të e protestës, qytetarët të vendosur deri në largi...
AGSH dënon shantazhin e Vlora Hysenit ndaj gazetares Klodiana Lala: Të tërheqë menjëherë deklaratat 24 Shtator,...
“Krejt radarët e shtetit i mbyll për ty”/ Deklarata të forta dashurie nga Vlora Hyseni për Ergys Agasin: Të...
• Qytetarët u mblodhën sot në ditën e 117-të të revoltës së tyre. • Ata u organizuan fillimisht në sheshin “Skënderbej” dhe më pas vijuan marshimin drejt Kryeministrisë, ku dhe zhvilluan fjalimet e tyre. • Të shumtë ishin qytetarët të cilët folën në podiumin e vendosur para Kryeministrisë, ku artikuluan kërkesat e tyre dhe bënë thirrje për ndryshim. • E para që mori fjalën ishte aktivistja Sidorela Vatnikaj, e cila komentoi zhvillimet e fundi të cilat lidhen me arrestimin e ish-drejtoreshës së SHISH, Vlora Hyseni. • Duke folur para protestuesve, ajo u shpreh se Hyseni në vend që t’i jepte informacione policisë për të arrestuar Ergys Agasin, i jepte informacione Agasit për t’i shpëtuar policisë. • Ajo theksoi se ndërkohë që në vend ndodhin këto zhvillime, protestuesit vijojnë të arrestohen dhunshëm nga policia. • Aktivisti Arben Kola u bëri thirrje shqiptarëve në SHBA, që ta presin kryeministrin Rama me vezë para OKB-së. • Gjatë fjalës së tij në podiumin e vendosur para Kryeministrisë, Kola tha se kryeministri ka kthyer institucionet në bordello. • Ai foli edhe për skandalin e fundit në SHISH, ndëra ngriti shqetësimin se të dhënat e qytetarëve shqiptarë janë shitur. • Aktivisti Sazan Guri ishte një nga folësit në protestën e ditës së sotme. • Duke folur para qytetarëve ai tha se profesorët dhe studentët duhet të bashkohen në këtë lëvizje. • Më tej, Guri theksoi se ndaj popullit shqiptar po bëhet krim, ndaj duhet një pjesëmarrje më e gjerë. • Një prej aktivisteve të arrestuar gjatë tensioneve të paradites para Kuvendit, foli në protestën e 117-të. • Ajo u shpreh se në Komisariat i tha policëve se në këtë vend duhet të jesh me Ergys Asgasin për të ecur përpara. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. • Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve. • “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi", këto ishin disa nga thirrjet e tyre.
12 artikuj për këtë temë.
TIRANA- Protesta e 117-të kundër qeverisë është mbyllur, ndërsa të shumtë ishin qytetarët të cilët morën pjesë. Gjatë protestës, qytetarët përsëritën thirrjet kundër qeverisë dhe kryeministrit Edi Rama dhe kërkuan edhe anulimin e ligjeve.
“Ju erdhi fundi!” dhe “Rama jep dorëheqjen!” janë dëgjuar gjatë marshimit, ndërsa protestuesit janë drejtuar për në sheshin “Nënë Tereza”.
Ata bënë thirrje për arrestimin e kryeministrit Rama, pas skandalit të SHISH. Kjo duke argumentuar se institucionet e shtetit kanë rënë në shërbim të krimit të organizuar dhe shërbimeve të huaja./Dosja.al
TIRANA- Qytetarët kanë mbyllur fjalimet para Kryeministrisë dhe kanë nisur marshimin në rrugët e kryeqytetit në ditën e 117-të të protestave. Ata kanë bërë thirrje për dorëheqjen e kryeministrit Rama, ndërsa kanë kërkuar edhe krijimin e një qeverie tranzitore.
Me pankarta në duar dhe flamuj kuqezi, ata kanë bërë thirrje për ndryshim. Gjithashtu një ndër thirrjet më kryesore të tyre është për paraqitjen e Ramës në SPAK./Dosja.al
TIRANA- Aktivisti Edison Lika ka marrë fjalën në podium gjatë ditës së 117-të të protstës, ku foli në lidhje me arrestimet e kryera ditën e sotme në tubimin e mbajtur përballë godinës së Kuvendit gjatë seancës plenare.
Në fjalën e tij, aktivisti u shpreh se policët klishin identifikuar paraprakisht protestiuesit dhe nuk lejonin të kalonin sepse përbenin rrezik për deputetët. Ai theksoi se shoqërimi i pesë protestuesve ishte i gabuar gjë që, sipas tij, ndodhi pa nisur akoma protesta. Njëkohësisht, Lika ka folur edhe për çështjen që ka rrëmbyer vëmendjen e shqiptarëve në lidhje me Vlora Hysenin dhe Ergys Agasin duke i konsideruar mesazhet e bëra publike si një krim shtetëror, dhe që sipas tij, Hyseni e ka vendin në burg dhe jo të paraqitet në SPAK.
“Sot, siç kishim lajmëruar për protestë te Parlamenti për t’u thënë deputetëve se janë deputetë të krimit të organizuar e të Belinda Ballukut, shkuam aty për t’i pritur siç u ka hije deputetëve të Shqipërisë, me vezë e domate! Por çfarë ndodhi? Te pedonalja, akoma pa vazhduar protesta, policia kishte kaluar komplet territorin e saj dhe kishte bllokuar edhe trotuaret e rrugët ku kalonin qytetarët. Policia kishte identifikuar protestuesit dhe, nëse ishe protestues, nuk kaloje dot në trotuar. Ne që kishim dërguar njoftim për të protestuar nuk na lejonin sepse përbënim rrezik për deputetët. Në pikë të mëngjesit, pa nisur protesta, 5 prej nesh u arrestuan direkt. Të tjerë u arrestuan gjatë ditës sepse pritën deputetët me vezë, miell e domate siç u ka hije e siç do t’i presim çdo herë që ka parlament! Në të njëjtën kohë, kur përballeshim me Policinë e Shtetit, si princeshat mbi bizele futej në SPAK ajo që nuk duhet të ishte futur fare, por duhet të ishte në burg, Vlora Hyseni. Ajo jo për një histori dashurie i tha një të kërkuari se është gati të fikë radaret e shtetit vetëm që çunat e tij të mos kenë probleme! Ky është krim shtetëror, jo histori dashurie!”, deklaroi Lika./Dosja.al
TIRANA- Protestuesit kanë mbyllur fjalimet para Kryeministrisë. Nën thirrjet "Ju erdhi fundi", ata kanë nisur marshimin në rrugët e Tiranës dhe kanë finalizuar ditën e 117-të të revoltës së tyre.
Të shumtë ishin qytetarët të cilët folën në podiumin e vendosur para Kryeministrisë ku bënë thirrje për ndryshim dhe kërkuan dorëheqjen e kryeministrit Edi Rama. “Edi Rama, jep dorëheqjen”, “Ju erdhi fundi”, “Rama në burg, Berisha në burg” dhe “Ndryshim sistemi” ishin disa prej sloganeve të përsëritura gjatë protestës.
Edhe sot, protesta ka spikatur duke bërë bashkë shtresa të ndryshme të shoqërisë, nga fëmijë e të moshuar, te studentë, profesionistë, aktivistë të cilët i janë bashkuar qëndresës qytetare./Dosja.al
TIRANA- Një prej aktivisteve të arrestuar gjatë tensioneve të paradites para Kuvendit, foli në protestën e 117-të. Gjatë fjalës së saj në podiumin e vendosur para Kryeministrisë ajo u shpreh se ata kanë treguar sa antishqiptarë janë.
Ajo u shpreh se në Komisariat i tha policëve se në këtë vend duhet të jesh me Ergys Asgasin për të ecur përpara.
Loreta Koleci: Dua të them atë çfarë i thashë policisë, ju kërkoni të zbatojmë ligjin kur i tërë shtetit ka rënë. Nuk njihet më kush polici, krimineli kush është kryeministri. Duhet të jesh ose me Ergys Agasin ose me Belinda Ballukun. E nuk e kemi fare të drejtën të protestomë dhe të kërkojmë një Shqipëri më të drejtë dhe të ndershme. Nuk e kemi me policinë me emra por me strukturën që është përdorur për bandat kriminale.
Nuk është turpi i vetëm i qeverisë por i qeverive të tëra. Kanë treguar sa antishqiptarë janë. I thashë dhe që është dita e 117 kemi treguar se as intimidimet e patronazhistët as deklarata e Ramës nuk na ndalin të kërkojmë të drejtën tonë për të jetuar dinjitetshëm. Nuk keni pranga për të gjithë./Dosja.al
TIRANA- Aktivisti Sazan Guri ishte një nga folësit në protestën e ditës së sotme. Duke folur para qytetarëve ai tha se profesorët dhe studentët duhet të bashkohen në këtë lëvizje.
Më tej, Guri theksoi se ndaj popullit shqiptar po bëhet krim, ndaj duhet një pjesëmarrje më e gjerë. Në fund, ai kritikoi edhe shoqërimin e protestuesve nga ana e policisë.
Sazan Guri: Ju qëndrestarë jeni si 300 spartanë. Pse jo 300 mijë me ata që na ndjekin pse jo 3 mln me ata përtej. Këta po bëjnë krim dhe gjenocid mbi popullin, ku secili shqiptar mund të marrë një hu të zjarrtë për të vazhduar këtë betejë me krimin. Policia merret me qytetarët që kërkojnë atë të drejtë, ne na mungon diçka kur thoshte Fan Noli kemi të drejtën zakonore, na duhet fuqia dhe fuqia është numër. Shtroj pyetjen, nëse ju profesorë pedagogë qytetarë fshatarë, studentë ju që jeni të panumërt nëse nuk vini për të folur kur do të vini?! Nëse nuk vini për këtë ditë për të qenë bashkë?!/Dosja.al
TIRANA- Aktivisti Arben Kola u bëri thirrje shqiptarëve në SHBA, që ta presin kryeministrin Rama me vezë para OKB-së. Gjatë fjalës së tij në podiumin e vendosur para Kryeministrisë, Kola tha se kryeministri ka kthyer institucionet në bordello.
Sipas tij, kryeministri Rama dhunon çdo femër që i shërben qeverisë, duke e akuzur se njihet si një dhunues i grave në të kaluarën. Ai foli edhe për skandalin e fundit në SHISH, ndëra ngriti shqetësimin se të dhënat e qytetarëve shqiptarë janë shitur.
Arben Kola: Thirrje për qytetarët e SHBA nesër para OKB është thirrur një protestë, të jeni sa më shumë atje për të treguar djallit Ramoviç se nuk përfaqëson popullin shqiptar. Keni peshqesh edhe disa vezë. Ai njihet si një dhunues i grave në të kaluarën. Edhe sot në kabinetin e tij dhunon çdo femër që i shërben qeverisë. Të gjitha gratë i ka inkriminuar. Më gjeni një ministre që nuk është hajdute dhe ordinere. Ndaj ka kthyer institucionet në bordello.
Të gjitha institucionet, imagjinoni sekrete shtetëore. Zyra ku çdo shqiptar duhet të kishte besim, janë kthyer në bordello. Me Vlora Hysenin. Për ty fik radarin e shtetit, kush po pyet për hallet e miletit, për ty heq karrigen e mbretit, për ty i falem Krishtit e Muhamedit. Kjo është Vlora që i falet krimit, që ka shitur Shqipërinë te UDB. Të dhënat tona janë shitur. Nuk ka asnjë sekret për secilin prej jush. Nëse duan të klonojnë të dhënat, i klonojnë mund të heqin dhe para online. Ti japim shkelmin e fundit djallit Ramoviç. Studentët janë e ardhmja, duhet të zbresin në shesh për ti dhënë shkelmin Ramoviç./Dosja.al
TIRANA- Një qytetar foli për arrestimet e dy profesorëve gjatë tensioneve paradite pranë Kuvendit, duke denoncuar ndalimin e tyre. Duke folur para qytetarëve, ai tha se policia duhet të ndaloj kryeministrin Rama dhe jo qytetarët. Më tej, ai i bëri thirrje universiteteve që ti kthejnë ato në ambiente debati dhe në mbështetje të kësaj lëvizje.
Qytetari: Sot denoncoj arrestimin e dy profesorëve. I them policisë larg duart nga u profesorët janë për të mbështetur studentët. Nëse duan të ndalojnë dikë ja ku e kanë këtu mbrapa keqbërësin e madh. I them drejtuesve të Universitete ti kthejnë universitetit në ambient debati në mbështetje të kësaj lëvizje. Profesorët të mbështesin këtë protestë që të arrijë në një Shqipëri të ndërtojmë institucione demokratike që të japin llogari para qytetarëve dhe jo para bandave. Drejtuesit e u të ndalojnë intimidimet ndaj profesoratit dhe studentëve.
Po dëgjoja kryeministri në një podkast që unë i marr materialet e shërbimeve dhe lexoj ndonjë që flet për partnerët. Shkelje e ligjit, ligji thotë se SHISH raporton te kryeministri. Informacionet janë sheshit dhe shteti i shitur. Profesorati përkrahin këtë protestë. Të nderuar pensionistë mos u bëni kosh për votat e partisë në pushtet./Dosja.al
TIRANA- Protestuesit kanë nisur fjalimet para Kryeministrisë. E para që mori fjalën ishte aktivistja Sidorela Vatnikaj, e cila komentoi zhvillimet e fundi të cilat lidhen me arrestimin e ish-drejtoreshës së SHISH, Vlora Hyseni. Duke folur para protestuesve, ajo u shpreh se Hyseni në vend që t’i jepte informacione policisë për të arrestuar Ergys Agasin, i jepte informacione Agasit për t’i shpëtuar policisë.
Ajo theksoi se ndërkohë që në vend ndodhin këto zhvillime, protestuesit vijojnë të arrestohen dhunshëm nga policia. Në fund, ajo e cilësoi qeverinë si "qeveri e krimit", duke shtuar se Shqipëria dhe shqiptarët kërkojnë revolucion.
“Shefat e policisë i ka emëruar kryekrimineli Ergys Agasi. Drejtoresha e SHISH-it, në vend që t’i jepte informacione policisë për të arrestuar Ergys Agasin, i jepte informacione Agasit për t’i shpëtuar policisë. Agasi lëvizte i lirë, ndërsa protestuesit vijojnë të arrestohen dhunshëm. Ndaj edhe sot jemi këtu për t’i thënë qeverisë së krimit, parlamentit të krimit e policisë së krimit se Shqipëria dhe shqiptarët kërkojnë revolucion!”, u shpreh Vatnikaj./Dosja.al
TIRANË- Protestuesit e pranishëm në protestën e sotme të organizuar në Tiranë, pas grumbullimit në sheshin Skënderbej kanë nisur marshimin drejt godinës së Kryeministrisë.
Nën thirrjet "Nuk shitet Shqipëria, shitet qeveria" kanë nisur marshimin në drejtim Kryeministrisë ku do të mbahen fjalime nga organizatoët e protestës. Kërkesat e qytetarëve mbeten të njejtat, ata kërkojnë dorëheqjen e panegociueshme të kryeministrit Edi Rama si dhe anulimin e ligjit për zonat e mbrojtura./Dosja.al
TIRANA- Protestuesit janë mbledhur sot në ditën e 117-të të protestës për largimin e Kryeministrit Edi Rama. Protestuesit kanë nisur grumbullimin në sheshin Skënderbej për të vazhduar më tëj marshimin drejt godinës së Kryeministrisë.
Me pankarta në duar e thirrje kundër korrupsionit dhe gjithë klasës politike, qytetarët kanë krijuar një atmosferë tejet të ndezur në qendër të Tiranës. Ata kërkojnë ndryshim të gjithë klasës politike dhe plotësimin e kërkesave të tyre, ku në krye të listës qëndron dorëheqja e kryeministrit Rama nga qeveria./Dosja.al
TIRANA- Qytetarët do të mblidhen sot në protestën e 117-të radhazi kundër qeverisë Rama. Për më shumë se tre muaj, qytetarë të shumtë në numër mblidhen në Sheshin Skënderbej dhe më pas marshojnë drejt Kryeministrisë. Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama.
Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë. Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese.
Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve.
Gjatë tubimeve, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi"./Dosja.al
