Një aksident i rëndë rrugor i marrë jetën dy grave me origjinë nga Britania e Madhe, pasditen e sotme në qarkun Caraș-Severin të Rumanisë.
Dy viktimat po udhëtonin me një furgon, i cili u përfshi në një përplasje të shumëfishtë me mjete të rënda. Automjeti përfundoi i bllokuar mes dy kamionëve, duke pësuar dëmtime të rënda.
Sipas të dhënave paraprake të autoriteteve rumune, furgoni dyshohet se ka kaluar në korsinë e kundërt dhe është përplasur fillimisht me një kamion që po lëvizte në drejtimin e tij.
Goditja e parë e riktheu automjetin në korsinë përkatëse, por në atë moment u përplas edhe me mjete të tjera.
Furgoni u godit nga një kamion i dytë dhe një kamionçinë, duke mbetur i shtypur mes dy mjeteve të tonazhit të rëndë
Për shkak të forcës së përplasjes, dy gratë mbetën të bllokuara brenda furgonit.
Ekipet e emergjencës mbërritën në vendngjarje dhe ndërhynë për nxjerrjen e tyre nga automjeti, por dy viktimat u gjetën pa shenja jete dhe u shpallën të vdekura në vend.
Pamjet nga vendi i aksidentit tregojnë dëmet e mëdha të pësuara nga furgoni, i cili mbeti i deformuar dhe i bllokuar mes mjeteve të rënda.
Autoritetet rumune kanë nisur hetimet për të përcaktuar rrethanat e plota dhe shkakun e aksidentit.
