Në një darkë shtetërore në Shtëpinë e Bardhë, presidenti Trump priti homologun kinez Xi Jinping dhe bashkëshorten Peng Liyuan.
Takimi u shoqërua me mesazhe bashkëpunimi, një zgjatje dy-mujore të armëpushimit në luftën tregtare mes dy vendeve, shkëmbim dhuratash e diskutime mbi Inteligjencën Artificiale, por me pak rezultate konkrete.
Në sfond u dëgjuan edhe protesta, me demonstrues që kërkonin “Liri në Hong Kong” dhe “Liri në Tibet”, ndërsa të tjerë bënë thirrje për lirimin e të burgosurve politikë.
Në darkën shtetërore morën pjesë edhe disa prej drejtuesve më të rëndësishëm të industrisë amerikane të teknologjisë dhe Inteligjencës Artificiale. Mes tyre ishin CEO i Nvidia-s, Jensen Huang, CEO i OpenAI, Sam Altman, bashkëthemeluesi i OpenAI, Greg Brockman, si dhe drejtuesit e Google-it e Meta-s, Sundar Pichai dhe Mark Zuckerberg.
Në tryezë ishin gjithashtu anëtarë të kabinetit Trump, zyrtarë të lartë të administratës amerikane, diplomatë dhe gjyqtarë të Gjykatës së Lartë.
Inteligjenca Artificiale ishte një nga temat kryesore të vizitës së Xi në Shtetet e Bashkuara. Të dy udhëheqësit theksuan rëndësinë e një menaxhimi të përgjegjshëm të kësaj teknologjie.
Darka shtetërore pasoi takimin dypalësh Trump–Xi, ku dy liderët diskutuan marrëdhëniet tregtare, teknologjinë e të tjera çështje strategjike.
Pavarësisht toneve miqësore dhe mesazheve për bashkëpunim, pjesa më e madhe e rezultateve konkrete mbeti e kufizuar.
