Te fundit
Kryeministri australian në OKB: Qeveritë duhet të drejtojnë zhvillimin e IA-së, jo të drejtohen prej saj
25 Shtator 2026, 10:10Bota
TEMA
Kryeministri australian Anthony Albanese i bëri thirrje komunitetit ndërkombëtar për veprime më të forta lidhur me situatën në Palestinë, konfliktin me Iranin dhe rreziqet që lidhen me inteligjencën artificiale.
Në fjalimin e tij në Asamblenë e Përgjithshme të OKB-së në Nju Jork, Albanese tha se Australia do të vazhdojë të kundërshtojë vendbanimet izraelite në Bregun Perëndimor dhe çdo rol të Hamasit në të ardhmen politike të Palestinës.
Duke folur për Iranin, ai bëri thirrje për armëpushim, rihapjen e Ngushticës së Hormuzit dhe garantimin e lirisë së lundrimit dhe tregtisë. Albanese kërkoi gjithashtu që Irani të ndalojë sulmet në rajon dhe të heqë dorë nga përpjekjet për të siguruar armë bërthamore.
Një pjesë të fjalimit ia kushtoi edhe inteligjencës artificiale. Albanese theksoi se IA mund të sjellë përfitime në shëndetësi dhe ekonomi, por paralajmëroi për rreziqet e saj në mungesë të masave mbrojtëse.
“Qeveritë duhet të formësojnë zhvillimin e inteligjencës artificiale, në vend që të formohen në mënyrë pasive prej saj”, tha ai.
Më të lexuarat
24 oret e fundit
Javen e fundit
Blog Tema
Lini një Përgjigje