“Më goditi me pasqyrë"/ Flet shefi i Komisariatit të Krujës pas publikimit të videos: Nuk e kam kërcënu...
Lufta në Lindjen e Mesme/ Netanyahu në OKB: Rrëzimi i regjimit iranian është vetëm çështje kohe 24 Sh...
“Shqipëria kërkon revolucion”/ Sot dita e 117-të e protestës, qytetarët të vendosur deri në largi...
AGSH dënon shantazhin e Vlora Hysenit ndaj gazetares Klodiana Lala: Të tërheqë menjëherë deklaratat 24 Shtator,...
• Një situatë e paprecedentë ka ndodhur një muaj më parë në qytetin e Durrësit, ku shefi i Komisariatit Krujë, Elton Shahini dhe ish-shef i Komisariatit Nr. 1 në Tiranë janë përfshirë në një konflikt me një drejtues automjeti. • Bazuar në pamjet e bëra publike, Shahini shihet duke lëvizur me motor dhe në në një moment shan drejtuesin e një automjeti. • Pas këtij ofendimi, situata përshkallëzohet dhe drejtuesi i mjetit zbret nga makina dhe i drejtohet Shahinit, duke e goditur me shpullë. • Personi që godet me shuplakë Shahinin është Arjan Xheka, pronar i ish-hotelit “Mira Mare”, një prej hoteleve që u shemb në tërmetin e 26 nëntorit 2019 në Durrës. • Përplasja mes dy personave nuk ka çuar në nisjen e një procedimi penal. • Sipas të dhënave, konflikti është konsideruar si një përplasje banale mes dy personave dhe më pas është mbyllur mes palëve. • Pas kësaj ka reaguar edhe Shefi i Komisariatit të Krujës, i cili ka treguar se në momentin e ngjarjes ishte jashtë orarit të punës në fundjavë dhe po udhëtonte me motor drejt plazhit. • Sipas tij, drejtuesi i një automjeti, i cili shihet edhe në video ka kryer manovra të rrezikshme dhe e ka goditur me pasqyrën e makinës. • Sipas shefit të Komisariatit të Krujës, mes tij dhe drejtuesit të automjetit ka pasur më pas një përplasje verbale. • Ai ka mohuar se ka kërcënuar apo ka ushtruar dhunë fizike ndaj personit tjetër të përfshirë në incident. • Shahini thekson gjithashtu se, megjithëse ishte civil dhe jashtë orarit zyrtar të punës, nuk e përdori autoritetin e tij si drejtues i komisariatit të policisë së Krujës gjatë konfliktit.
3 artikuj për këtë temë.
TIRANË- Shefi i Komisariatit të Policisë së Krujës, Elton Shahini, ka reaguar lidhur me incidentin ku u përfshi në ditët e fundit të korrikut 2026, pamjet e të cilit bënë xhiro në rrjet. Duke folur për Top Channel, Shahini ka dhënë versionin e tij për rrethanat dhe dinamikën e ngjarjes.
Shefi i Komisariatit të Krujës ka treguar se në momentin e ngjarjes ishte jashtë orarit të punës në fundjavë dhe po udhëtonte me motor drejt plazhit. Sipas tij, drejtuesi i një automjeti, i cili shihet edhe në video ka kryer manovra të rrezikshme dhe e ka goditur me pasqyrën e makinës.
“Ka qenë fundjavë, ditë pushimi zyrtare. Kam qenë duke shkuar në plazh, isha duke ecur me motor, isha në punën time. Në ato momente, shoferi që duket në video ka qenë duke ecur në mënyrë të papërgjegjshme në rrugë dhe bënte manovra të rrezikshme. Kur më ka kaluar pranë, më ka goditur me pasqyrë”, tha Shahini.
Sipas shefit të Komisariatit të Krujës, mes tij dhe drejtuesit të automjetit ka pasur më pas një përplasje verbale. Ai mohon se ka kërcënuar apo ka ushtruar dhunë fizike ndaj personit tjetër të përfshirë në incident. Shahini thekson gjithashtu se, megjithëse ishte civil dhe jashtë orarit zyrtar të punës, nuk e përdori autoritetin e tij si drejtues i komisariatit të policisë së Krujës gjatë konfliktit.
“Më shau, e shava. Nuk e kam kërcënuar dhe as kam ushtruar dhunë fizike. Pavarësisht dhunës fizike dhe fyerjeve ndaj meje, në asnjë moment nuk kam përdorur autoritetin tim zyrtar, nuk kam kërcënuar me postin që mbaj dhe nuk jam përgjigjur me dhunë fizike”, tha ndër të tjera shefi i Komisariatit të Krujës./Dosja.al
DURRËS- Detaje të reja janë zbardhur lidhur me konfliktin e ndodhur në rrugët e Durrësit mes një qytetari dhe Elton Shahinit, shef i Komisariatit Krujë dhe ish-shef i Komisariatit Nr. 1 në Tiranë.
Sipas informacioneve, personi që shfaqet në video duke goditur me shuplakë Shahinin është Arjan Xheka, pronar i ish-hotelit “Mira Mare”, një prej hoteleve që u shemb në tërmetin e 26 nëntorit 2019 në Durrës. Përplasja mes dy personave nuk ka çuar në nisjen e një procedimi penal.
Personi që u godit, Elton Shahini nuk ka bërë denoncim në polici dhe për këtë arsye nuk është regjistruar një procedim lidhur me ngjarjen. Sipas të dhënave, konflikti është konsideruar si një përplasje banale mes dy personave dhe më pas është mbyllur mes palëve./Dosja.al
DURRËS- Një situatë e paprecedentë raportohet të ketë ndodhur një muaj më parë në qytetin e Durrësit, ku shefi i Komisariatit Krujë, Elton Shahini dhe ish-shef i Komisariatit Nr. 1 në Tiranë është përfshirë në një konflikt me një drejtues automjeti.
View this post on Instagram
Sipas pamjeve, Shahini shihet duke lëvizur me motor dhe në në një moment shan drejtuesin e një automjeti, duke i thënë: Të q*fsha motrën. Pas këtij ofendimi, situata përshkallëzohet dhe drejtuesi i mjetit zbret nga makina dhe i drejtohet Shahinit, duke e goditur me shpullë.
Drejtuesi i automjetit i drejtohet Shahinit edhe me fjalët: “Kë shan nga r*pt ti?!”. Megjithatë detajet e ngjarjes janë ende të paqarta, por mbeten për tu sqaruar shkaqet dhe rrethanat që çuan në përshkallëzimin e konfliktit./Dosja.al
