Mbledhja e gjyqtarëve/ Zgjidhen 3 anëtarët e KLGJ, Sandër Simoni nga GJL, Fatri Islamaj nga Apeli dhe Brunilda Kadi

Janë përzgjedhur dy anëtarët e rinj të Këshillit të Lartë Gjyqësor, në radhët e gjyqtarëve.

I pari që fitoi garën ishte Sandër Simoni nga radhët e gjyqtarëve të Gjoykatës së Lartë, ku rezultoi fillimisht me barazim votash mes kandidatëve, 179 me 179 vota.

Rregullorja parashikon hedhje me short, e pas shortit me gogla, fitues rezultoi gjyqtari Sandër Simoni.

Sakaq ka përfunduar votimi edhe për anëtarin tjetër të Këshillit të Lartë Gjyqësor.

Mësohet se anëtari i dytë i KLGJ-së është zgjedhur Fatri Islamaj, që mori 190 vota.

Përballë tij ishte Igerta Hysi, që mori 171 vota të gjyqtarëve.

Islamaj është anëtar i KLGJ-së që u zgjodh nga Gjykata e Apelit.

Sakaq anëtari i tretë i KLGJ, po nga radhët e gjyqtarëve u zgjodh Brunilda Kadi, e cila vjen nga gjykatat e shkallës së parë.