“Shqipëria ka zgjedhur novacionin”/ Rama: Pa një botë të përbashkët nuk mund të ketë Kombet ...
“Shqipëria kërkon revolucion”/ Sot dita e 118-të e protestës, qytetarët të vendosur deri në largi...
"Vendi i përket Zotit dhe mikut"/ Rama sulmon protestuesit: Shqipëria e shqiptarëve, slogan i neveritshëm dhe i turpshë...
“Më goditi me pasqyrë"/ Flet shefi i Komisariatit të Krujës pas publikimit të videos: Nuk e kam kërcënu...
• Kryeministri i vendit, Edi Rama mori pjesë në Asamblenë e Përgjithshme të Kombeve të Bashkuara, në SHBA. • Gjatë fjalës së tij ai foli për inteligjencën artificiale, protestën në Tiranë, algoritimin dhe raportin mes gënjeshtrës dhe të vërteës që qarkullon në platformat sociale. • Fillimisht Rama foli për zhvillimet e fundit në Shqipëri dhe ndikimin e inteligjencës artificiale. • Ai u shpreh se gjatë qëndrimit në OKB është surprizuar pozitivisht nga interesi i shumë bashkëbiseduesve për atë që po ndodh në Shqipëri, veçanërisht sa i përket përdorimit të inteligjencës artificiale. • Në lidhje me këtë, lideri i qeverisë tha se Shqipëria nuk është zhvilluese e modeleve të fjalës së fundit, por është një komb që e ka jetuar të ardhmen që të tjerët janë duke debatuar. • Ai theksoi se Shqipëria është i pari vend në botë që ka një ministre virtuale. • Më tej, kryeministri foli edhe për ndikimin që inteligjenca artificiale mund të ketë në marrëdhënien mes informacionit, së vërtetës dhe perceptimit njerëzor. • Sipas tij, çdo vendim me ndikim publik duhet të shoqërohet me një bazë dhe përgjegjësi të qartë ligjore. • Duke u ndalur tek protestat, Rama tha se një narrativë e rreme për pushtimin e bregdetit shqiptar nga Izraeli u përdor për të nxitur reagime te qytetarët. • Sipas tij, qytetarët kishin arsye për të protestuar, por sipas tij ata u përballën me pretendime që nuk kishin ndodhur në realitet. • Ai tha se algoritmi aktivizoi urrejtjen, ndërsa zemërimi u bë mobilizim. Rama ngriti shqetësimin se liria e shprehjes po kërcënohet nga përdorimi si armë i fuqisë së shpërndarjes. • Gjatë fjalës së tij në Asamblenë e Përgjithshme të Organizatës së Kombeve të Bashkuara, Rama tha se kur një gënjeshtër shumëfishohet, e vërteta varroset. • Sipas tij, të mbrosh demokracinë dhe lirinë e secilit komb për të jetuar, nuk do të thotë të kontrollosh njerëzit çfarë mendojnë. • Në fund, kryeministri deklaroi se Shqipëria është kundër kufizimit të IA, por theksoi se nevojiten sisteme kundër manipulimeve. • Sipas tij, nevojitet një inteligjencë artificiale e verifikueshme, transparente dhe llogaridhënëse. Në lidhje me këtë, ai bëri të ditur se Shqipëria po ndërton një pasqyrë digjitale të mbështetur mbi inteligjencën artificiale.
6 artikuj për këtë temë.
SHBA- Kryeministri Edi Rama ka theksuar rëndësinë e së vërtetës dhe të angazhimit të përbashkët në shoqëri. Gjatë fjalës së tij në Asamblenë e Përgjithshme të Kombeve të Bashkuara, lideri i qeverisë tha se pa një qëndrim të përbashkët ndaj së vërtetës nuk mund të ndërtohet një jetë publike e përbashkët dhe as një botë e përbashkët.
Në lidhje me këtë, ai tha se pa një botë të përbashkët nuk mund të ketë Kombet e Bashkuara. Ky ishte fjalimi i tij përmbyllës në Asamblenë e Përgjithshme të Kombeve të Bashkuara.
Edi Rama: Ne zgjedhim të vërtetën, sepse pa një angazhim të përbashkët nuk mund të kemi një jetë të përbashkët publike. Pa një botë të përbashkët nuk mund të ketë Kombet e Bashkuara. Këtu përfundon predikimi im në shkretëtirë dhe shpresa që kam, që është në fakt vendi i fundit ku mbështetem./Dosja.al
SHBA- Kryeministri Edi Rama ka deklaruar se është kundër kufizimit të IA, por theksoi se nevojiten sisteme kundër manipulimeve. Gjatë fajlës së tij në Asamblenë e Përgjithshme të Kombeve të Bashkuara, Rama kjo nuk mund të jetë vetëm privilegj i vendeve të pasura pasi gënjeshtra udhëton kudo.
Sipas tij, nevojitet një inteligjencë artificiale e verifikueshme, transparente dhe llogaridhënëse. Në lidhje me këtë, ai bëri të ditur se Shqipëria po ndërton një pasqyrë digjitale të mbështetur mbi inteligjencën artificiale.
Në fund, ai tha se Shqipëria kërkon një marrëveshje ndërkombëtare për një inteligjencë artificiale, pasi gënjeshtrat udhëtojnë pa viza dhe algoritmet po i kapërcejnë kufijtë pa pasur nevojë për pasaportë.
Edi Rama: Ne jemi kundër. Ne nuk mund të rregullojmë veten tonë deri në pafuqi. Për këtë pyetje, presidenti i SHBA-ve ka të drejtë, duhet të përshpejtojmë. IA në shërbim të qytetarëve, të përgjegjshme. Përgjigjja është kapacitet demokratik. Një inteligjencë sovrane artificiale do të thotë që asnjë vend të mos jetë i pafuqishëm para vendeve që s’mund t’i kuptojë. Çdo vend duhet të jetë i aftë të mbrojë gjuhën e vet, të zbulojë koordinimet e manipuluara dhe të informojë qytetarët pa u varur nga një korporatë e largët. Ja pse Shqipëria po ndërton një pasqyrë dixhitale mbështetur mbi IA. Pasqyra do të zbulojë strukturat e koordinuara, jo vetëm ato që shihen.
Nuk do t’u thotë qytetarëve çfarë duhet të mendojnë. E drejta duhet të mbrohet haptazi. Pasqyra jonë ka për synim të shndërrohet në një infrastrukturë transparence, të mbrojë shoqërinë nga një industri gënjeshtrash. Qytetarët duhet të dinë kur përmbajtja politike me ndikim është gjeneruar artificialisht apo manipuluar. Arkitektura e shpërndarjes duhet të bëhet transparente, kush e krijoi apo shënjestroi. Sovraniteti dixhital s’mund të jetë privilegj i rezervuar për shtetet më të pasura. Gënjeshtrat udhëtojnë pa viza. Algoritmet i kapërcejnë kufijtë pa pasur nevojë për pasaportë./Dosja.al
SHBA- Kryeministri Edi Rama tha se liria e shprehjes po kërcënohet nga përdorimi si armë i fuqisë së shpërndarjes. Gjatë fjalës së tij në Asamblenë e Përgjithshme të Organizatës së Kombeve të Bashkuara, Rama tha se kur një gënjeshtër shumëfishohet, e vërteta varroset.
Sipas tij, të mbrosh demokracinë dhe lirinë e secilit komb për të jetuar, nuk do të thotë të kontrollosh njerëzit çfarë mendojnë. Rama tha se liria e shprehjes duhet mbrojtur duke garantuar transparencë mbi shpërndarjen e informacionit.
Edi Rama: Dy fqinj mund të jetojnë në të njëjtën rrugë, të votojnë në të njëjtat palë zgjedhje dhe të votojnë brenda realiteteve kryekëput të ndryshme. Kur kjo ndodh, demokracia nuk humbet thjeshtë një debat, por terrenin e përbashkët në të cilin bëhet i mundur debati. Sovraniteti nuk grryhet më në kufij. Sot në Europë ne po vrapojmë si të marrë për të hedhur gjithmonë e më shumë para që nuk i kemi për të mbrojtur tokat dhe qiejt tanë nga një luftë e mundshme në të ardhmen.
Por në shekullin që po jetojmë, kjo duhet të nënkuptojë krijimin e një shoqërie të lirë për të mbrojtur kushtet në të cilat qytetarët e tyre formojnë opinionin e vet. Pa këtë, sovraniteti mbi tokën dhe qiejt bëhet një iluzion. Sot liria e shprehjes kërcënohet nga përdorja si armë nga fuqia e shpërndarjes. Shpërndarja mund të manipulohet dhe të përdoret në mënyrë kriminale. Kur një gënjeshtër shumëfishohet miliarda herë, e vërteta varroset.
Qytetari mbetet i lirë të flasë, por në një stuhi që askush nuk mund ta dëgjojë. Përgjigja për të folurin e keq mbetet liri fjale, por për amplifikimin e fshehtë duhet të jetë ekspozim. Dhe duhet të bëhet sa më herët. Të mbrosh demokracinë dhe lirinë e secilit komb për të jetuar, s’do të thotë të kontrollosh njerëzit çfarë mendojnë. Nëse ne mbrojmë lirinë e shprehjes, duke e lënë kontrollin e shpërndarjes në terr, është njësoj si të mbrosh derën, por të dorëzosh gjithë dhomën./Dosja.al
SHBA- Kryeministri Edi Rama foli për protestat në Tiranë, të cilat po vijojnë prej më shumë se tre muajsh, përmes të cilave është kërkuar dorëheqja e tij nga qeveria. Megjithatë, ai sërish nuk u mor me thelbin dhe problematikat për të cilat qytetarët protestojnë, por u justifikua duke ia vënë fajin algoritmit.
Gjatë fjalës së tij në Asamblenë e Përgjithshme të Kombeve të Bashkuara, Rama tha se një narrativë e rreme për pushtimin e bregdetit shqiptar nga Izraeli u përdor për të nxitur reagime te qytetarët.
Sipas tij, qytetarët kishin arsye për të protestuar, por rrugës u përballën me pretendime që nuk kishin ndodhur në realitet. Ai tha se algoritmi aktivizoi urrejtjen, ndërsa zemërimi u bë mobilizim.
Edi Rama: Jam i bindur se ju e keni ndjekur revolucionin e flamingove, një narrativë e fabrikuar për pushtimin izraelit të bregdetit shqiptar, një pushtim që s’ka ndodhur kurrë, por kjo u fabrikua dhe u përcoll përmes zërave, faqeve dhe kanaleve. Qytetarët i kanë besuar tashmë. Qytetari mori një histori të tradhtisë kombëtare, një tjetër të provokimit fetar, një tjetër për një pushtim të jashtëm. Fabrikime të ndryshme u futën në botë të ndryshme emocionale dhe të gjitha i shërbenin gënjeshtrës strategjike. Pasojat ishin reale. Qytetarët kishin arsyet për të protestuar, por ata papritur ishin duke protestuar kundër një fantazme tashmë. Frika u bë zemërim, zemërimi u bë mobilizim dhe fabrikimi u bë realitet.
Nuk ishte eksperiment, nuk po ju flas për film. Ishte një e martë në Tiranë. Algoritmi nuk shpiku objektivin, këtë e bëri një aktor njerëzor. Ky është mashtrim sistematik. Ndërhyrja në zgjedhje nuk kërkon më që një TV publik apo një propagandë t’i drejtohet një popullate të tërë. Tashmë mund të ndikojë te vullneti i çdo votuesi./Dosja.al
SHBA- Kryeministri i vendit, Edi Rama ka deklaruar se Shqipëria është i pari vend në botë që ka një ministre virtuale. Gjatë fjalës së tij në Asamblenë e Përgjithshme të Kombeve të Bashkuara, Rama tha se sfida nuk duhet të jetë vetëm shpejtësia me të cilën teknologjia kryen një detyrë, por edhe ajo që mëson dhe kupton njeriu nga procesi.
Më tej, kryeministri foli edhe për ndikimin që inteligjenca artificiale mund të ketë në marrëdhënien mes informacionit, së vërtetës dhe perceptimit njerëzor. Sipas tij, çdo vendim me ndikim publik duhet të shoqërohet me një bazë dhe përgjegjësi të qartë ligjore.
Edi Rama: Ne mund të ndërtojmë një IA që mëson dhe jo që thjesht të përgjigjet. Pyetja nuk shtrohet se sa shpejt e kreu punën makina, por se çfarë mësoi qenia njerëzore. Kush e kuptoi vendimin dhe kush përgjigjet për vendimin kur është i gabuar? Ministrja jonë ‘Diella’ është e njohur. Pas çdo vendimi me ndikim publik duhet të mbetet një mandat ligjor. Shtresa e dytë është ajo çfarë mund të na bëjë. Ajo mund të reduktojë distancën midis gënjeshtrës dhe mendjes njerëzore dhe Shqipëria e ka përjetuar drejtpërdrejt./Dosja.al
SHBA- Kryeministri i vendit, Edi Rama po merr pjesë në Asamblenë e Përgjithshme të Kombeve të Bashkuara. Gjatë fjalës së tij ai ka folur për zhvillimet e fundit në Shqipëri dhe ndikimin e inteligjencës artificiale.
Ai u shpreh se gjatë qëndrimit në OKB është surprizuar pozitivisht nga interesi i shumë bashkëbiseduesve për atë që po ndodh në Shqipëri, veçanërisht sa i përket përdorimit të inteligjencës artificiale.
Në lidhje me këtë, lideri i qeverisë tha se Shqipëria nuk është zhvilluese e modeleve të fjalës së fundit, por është një komb që e ka jetuar të ardhmen që të tjerët janë duke debatuar.
Edi Rama: Jam i surprizuar shumë pozitivisht që shumë miq donin të dinin rreth asaj që po ndodh në vendin tonë me IA dhe mendova që ishte ide e mirë të ndaja me ju mendimet për këtë. IA po ndryshon. Kush mund të prodhojë një realitet të kalibruar mbi frikërat e një personi?. Shqipëria nuk është zhvilluese e modeleve të fjalës së fundit, por jemi një komb që e kemi jetuar të ardhmen që të tjerët janë duke debatuar./Dosja.al
