Vranësira dhe reshje shiu/ Moti për ditën e sotme

Për ditën e sotme vendi ynë do të ndikohet nga kushte relativisht të qëndrueshme atmosferike.

Sipas SHMU, moti parashikohet me kthjellime si dhe alternime vranësirash mesatare dhe hera-herës deri të dendura me këto të fundit më të theksuara përgjatë relieveve malore të vendit.

Vranësirat e dendura në relievet malore do të shoqërohen me reshje shiu të herëpashershme dhe të dobëta. Pas orëve të pasdites mot kryesisht i kthjellët në pjesën më të madhe të territorit.

Temperaturat maksimale do të shkojnë deri në 28 gradë Celsius.

Era parashikohet të fryjë me drejtim verilindje –veriperëndim me shpejtësi mesatare 9 m/s, ndërsa përgjatë vijës bregdetare dhe zonat luginore era me shpejtësi deri në 16-18 m/s.

Valëzimi në dete i forcës 3-4 ballë./ CNA