Te fundit
Rikthim me humbje për Mancinin, Itali–Belgjikë mbyllet me përplasje mes Donnarummës dhe Lukakut
26 Shtator 2026, 09:00Sport
TEMA
Sulmuesi ballë për ballë me portierin e kaltër që vrapon deri në mesfushë: të dy të ndëshkuar me karton të verdhë.
Ndeshja e parë e Italisë pas rikthimit të Roberto Mancinit si trajner nuk është aspak e lumtur. Në Romë, “Të kaltrit” mposhten 0-2 në shtëpi kundër Belgjikës dhe në fund ka vend edhe për tensione e përplasje fjalësh. Pikërisht pas vërshëllimës së trefishtë, gjyqtari u desh të ndante Gianluigi Donnarummën dhe Romelu Lukakun, të cilët ishin përplasur ashpër. Të dy iu afruan në mënyrë kërcënuese njëri-tjetrit pasi shkëmbyen disa fjalë të tepërta.
Provokimi — Sulmuesi belg provokoi duke bërë me duar gjestin e 0-2 për të theksuar fitoren e skuadrës së tij ndaj Italisë dhe duke e çuar gishtin te goja për t’i mbyllur gojën italianëve. Në atë moment, portieri i Manchester City-t (shënim: ashtu siç është në tekstin origjinal), i tërbuar, u drejtua deri te rrethi i mesfushës për t’i kërkuar llogari me tone të ashpra kundërshtarit. Gjyqtari i ndeshjes u detyrua të nxirrte kartonin e verdhë si për Donnarummën ashtu edhe për Lukakun për të rikthyer rregullin. Në kaosin e krijuar, me shumë lojtarë të të dyja skuadrave që u afruan në rrëmujë, u ndëshkua me karton të verdhë edhe Maldini, i cili më parë kishte mbajtur një kundërshtar dhe i ishte afruar ish-qendërsulmuesit të Napolit dhe Interit.
Më të lexuarat
24 oret e fundit
Javen e fundit
Blog Tema
Lini një Përgjigje