Italia në “krizë” edhe pas rikthimit të Mancinit, humb 2-0 në shtëpi kundër Belgjikës

Gjashtë muaj pas dështimit për t’u kualifikuar për Kupën e Botës për të tretën herë radhazi, Italia ende po vuan.

Italia u mposht 2-0 në shtëpi nga Belgjika, në Ligën e Kombeve të premten, në ndeshjen e parë të “Azzurrëve” që nga humbja në “play-off” ndaj Bosnjës dhe Hercegovinës në mars.

Roberto Mancini shënoi rikthimin e tij në stolin e Italisë tre vjet pasi braktisi punën për një marrëveshje fitimprurëse për të drejtuar Arabinë Saudite dhe dukej i frustruar në vijën anësore.

Nga bankina tjetër, ndeshja e djeshme ishte një debutim i suksesshëm për trajnerin e ri të Belgjikës, Mark van Bommel.

Vetëm 47,155 spektatorë u paraqitën në stadiumin Olimpico me 70,000 vende dhe tifozët vendas po fishkëllenin që në minutën e 20-të pasi Mika Godts i kaloi belgët në avantazh me golin e tij të parë ndërkombëtar.

Dodi Lukebakio dyfishoi avantazhin e Belgjikës në mesin e pjesës së dytë. Pas ndeshjes, lojtarët italianë u fishkëllye nga tifozët e saj teksa largoheshin nga fusha.

“Kur humbasim, askush nuk është i lumtur”, tha Mancini.