Banorët e Ksamilit kërkojnë nga hartuesit e Reformës Territoriale, që të merret parasysh propozimi i opozitës për shk&...
POLITIKE
Xhixho: 400 miliardë lekë në vit në ndërtim, nga vijnë këto para?
PiranjatPërditësimi i fundit 26 Shtator 2026, 13:39
Erisa Xhixho ngre pikëpyetje mbi burimin e parave që financojnë sektorin e ndërtimit në Shqipëri, duke iu referuar një qarkullimi prej rreth 400 miliardë lekësh në vit.
Ajo thekson se 52% e stokut të kredisë lidhet me pasuritë e paluajtshme, ndërsa kredia e re për ndërtimin përbën vetëm 14% të totalit të huasë së re për bizneset.
Sipas Xhixhos, këto të dhëna ngrenë pyetjen se nga vijnë paratë që po financojnë bumin e ndërtimit, duke kërkuar transparencë dhe verifikim të burimit të fondeve.
Ajo ngre gjithashtu dyshime për mundësinë e përdorimit të parave me origjinë kriminale dhe kërkon hetim të plotë financiar për të përcaktuar burimin e kapitalit që hyn në sektor.
“Nga vijnë paratë?”, është pyetja që Xhixho ngre lidhur me financimin e aktivitetit të ndërtimit dhe ndikimin e tij në rritjen e çmimeve të banesave.
400 MILIARDË LEKË NË VIT HIDHEN NË NDËRTIM. POR NGA VIJNË KËTO PARA?
400 miliardë lekë në vit qarkullojnë në ndërtim.
Po nga vijnë këto para?
52% e stokut të kredisë lidhet me pasuritë e paluajtshme, ndërsa kredia e re për ndërtimin përbën vetëm 14% të totalit të huasë së re për bizneset.
Pra, bumi i jashtëzakonshëm i ndërtimit nuk shpjegohet nga kredia bankare.
Dhe aq më pak nga fuqia blerëse e shqiptarëve.
Çiftet e reja mezi përballojnë qiratë dhe nuk arrijnë të blejnë një shtëpi, ndërsa pagat në Shqipëri mbeten ndër më të ulëtat në Europë.
Atëherë, kush e financon këtë bum të jashtëzakonshëm ndërtimi?
Kur volumi i parave që futen në ndërtim është shumë më i madh se financimi formal bankar dhe kërkesa reale e tregut, lind pyetja:
A po futen në ndërtim para me origjinë nga droga, korrupsioni dhe aktivitete të tjera kriminale?
Sot kërkohet transparencë dhe verifikim i burimit të parave. Këtë mund ta bëjë vetëm hetim i plotë financiar.
Sepse pas kullave dhe betonit nuk mund të fshihet burimi i parave.
Ndërtimi po përdoret si kanal për pastrimin e parave të pista, dhe ky është një nga problemet më serioze të ekonomisë shqiptare.
Një skemë që nuk prek vetëm financat e shtetit.
Po godet qytetarët e zakonshëm, po rrit çmimet e banesave dhe po i mohon një brezi të tërë mundësinë për të pasur shtëpinë e vet.
Qytetarët sot kërkojnë përgjigje: NGA VIJNË PARATË?
