Kim Kardashian ka dhënë një tjetër detaj të vogël, por mjaft pikant, për marrëdhënien e saj me Lewis Hamilton. Gjatë një daljeje për shopping me motrën e saj, Khloé Kardashian, ylli televiziv zbuloi pa dashje nofkën që përdor për pilotin e Formula 1.
Dy motrat po bënin pazar në një dyqan Target, në kuadër të një videoje promocionale për produktet e tyre, kur Kim u përball me një produkt të koleksionit të frymëzuar nga seriali “Bridgerton”.
Duke parë një larës trupi me tematikën e serialit, Kim reagoi me shaka:
Bridgerton? Larës trupi Bridgerton? Unë kam zotin tim Bridgerton.
Komentit të saj iu përgjigj menjëherë Khloé, e cila tha:
Fol për veten.
Kim duket se po i referohej pikërisht Lewis Hamilton, duke e krahasuar partnerin e saj me një prej personazheve simpatikë të dramës romantike “Bridgerton”.
Por shakaja nuk përfundoi aty. Pak më vonë, dy motrat u ndalën te produktet e markës Almave, kompanisë së pijeve joalkoolike të bashkëthemeluar nga Hamilton. Kim e pyeti Khloé nëse e dinte kush e prodhonte produktin, ndërsa ajo iu përgjigj sërish me shaka: “Bridgerton?” Kim e konfirmoi: “Po.”
Detaji i vogël u vu menjëherë re nga fansat, të cilët nisën të komentojnë në rrjetet sociale për nofkën e re të pilotit britanik.
Kim dhe Hamilton kanë qenë miq prej vitesh, por marrëdhënia e tyre romantike u bë publike gjatë vitit 2026. Që prej atëherë, dyshja është shfaqur gjithnjë e më hapur së bashku, ndërsa së fundmi kanë ndarë edhe momente nga udhëtimet dhe takimet e tyre.
Vetëm pak ditë më parë, Hamilton publikoi një seri fotografish nga jeta e tij, ku shfaqej edhe Kim, ndërsa çifti është parë së bashku në Los Angeles dhe Paris.
Me sa duket, Lewis Hamilton tashmë ka edhe një identitet të ri në rrethin familjar të Kardashianëve:
Mr. Bridgerton.
