"Po studiojmë risqet që mund të sjellë në mjedis"/ Rama nga SHBA: Projekti i Sazanit dhe Zvërnecit, të jasht&...
Protesta kundër qeverisë/ Nis marshimi drejt Kryeministrisë: Edi Rama o tradhtar, me Shqipërinë mos bëj pazar 26 ...
Berisha i uron mirëseardhjen ambasadorit të ri: SHBA do të japë një ndihmë substanciale për çmontimini...
Shpërthimi i fuqishëm në Athinë ku humbën jetën tre shqiptarët, nxjerren trupat e gjashtë viktimave nga ...
• Qytetarët u mblodhën sot në ditën e 119-të të revoltës së tyre. • Ata u organizuan fillimisht në sheshin “Skënderbej” dhe më pas vijuan marshimin drejt Kryeministrisë, ku dhe zhvilluan fjalimet e tyre. • Të shumtë ishin qytetarët të cilët folën në podiumin e vendosur para Kryeministrisë, ku artikuluan kërkesat e tyre dhe bënë thirrje për ndryshim. • Aktivistja Sidorela Vatnikaj akuzoi qeverinë se është e lidhur me oligarkë dhe persona të përfshirë në çështje korrupsioni e krimi të organizuar, duke përmendur arrestimin e Ergys Agasit. • Sipas Vatnikaj, këto zhvillime tregojnë se shteti ka rënë dhe se kryeministri Edi Rama është i delegjetimuar. • Ajo kërkoi që Rama të thirret nga drejtësia, të merret në pyetje dhe të hetohet për lidhje të dyshuara me krimin e organizuar, ndërsa e mbylli deklaratën duke thënë se protesta zhvillohet për arrestimin e Ramës. • Aktivisti Erald Noj ishte një nga folësit në protestën e ditës së sotme. • Gjatë fjalës së tij në podiumin e vendosur para godinës qeveritare, ai i konsideroi protestuesit si heronj, ndërsa vlerësoi qëndresën e tyre. • Një qytetare ironizoi kryeministrin Edi Rama dhe zhvilloj fjalimin e saj para Kryeministrisë me pulë në dorë. • Ky veprim i saj ka ardhur pasi kryeministri u godit me vezë në protestën në New York. • Pas kësaj, qytetarja iu drejtua edhe Policisë së Shtetit, duke kërkuar arrestimin e kryeministrit. • Një protestues u ndal te zhvillimet që lidhen me Shërbimin Informativ të Shtetit, duke e cilësuar situatën si një skandal me përmasa ndërkombëtare. • Sipas protestuesit, disa vende anëtare të NATO-s kanë ndërprerë ndarjen e informacionit me Shqipërinë, duke e lidhur këtë me çështjen e Vlora Hysenit. • Ai tha se kjo nuk duhet parë si një çështje personale, por si një problem që prek funksionimin dhe sigurinë e shtetit. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. • Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve. • “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi", këto ishin disa nga thirrjet e tyre.
12 artikuj për këtë temë.
TIRANA- Protestuesit kanë mbyllur fjalimet para Kryeministrisë dhe kanë nisur marshimin në rrugët e Tiranës. Të shumtë ishin qytetarët të cilët folën në podiumin e vendosur para Kryeministrisë ku bënë thirrje për ndryshim dhe kërkuan dorëheqjen e kryeministrit Edi Rama.
“Edi Rama, jep dorëheqjen”, “Ju erdhi fundi”, “Rama në burg, Berisha në burg” dhe “Ndryshim sistemi” ishin disa prej sloganeve të përsëritura gjatë protestës./Dosja.al
TIRANA- Një protestues ka marrë fjalën në podium gjatë tubimit të zhvilluar ditën e 119-të, ku ka deklaruar se protesta vijon kundër korrupsionit dhe shitjes së Shqipërisë. Në fjalën e tij, ai u ndal te zhvillimet që lidhen me Shërbimin Informativ të Shtetit (SHISH), duke e cilësuar situatën si një skandal me përmasa ndërkombëtare.
Sipas protestuesit, disa vende anëtare të NATO-s kanë ndërprerë ndarjen e informacionit me Shqipërinë, duke e lidhur këtë me çështjen e Vlora Hysenit. Ai tha se kjo nuk duhet parë si një çështje personale, por si një problem që prek funksionimin dhe sigurinë e shtetit. Njëkohësisht ai e cilësoi SHISH-in si një prej institucioneve kryesore për funksionimin e shtetit dhe deklaroi se fitorja më e madhe do të ishte rrëzimi i qeverisë.
“Fitorja më e madhe do të jetë dita që kjo qeveri mafioze të bjerë. Ndeshja që luhet këtu prej 119 ditëve kundër korrupsionit, tradhtisë dhe shitjes së Shqipërisë. Skandali i SHISH në Shqipëri është lajm ndërkombëtar…dhe në vecanti në shtetet anëtare të NATO-s ku 29 prej tyre kanë ndërprerë ndarjen e informacionit me shtetin shqiptar.. Pra ky shtet nuk ka marrëdhënie me vende të NATO-s sa i përket informacionit. Skandali i Vlora Hysenit nuk është skandal rozë, por i rënies së shtetit. Skandali në SHISH për garancia e institucioneve në Shqipëri, SHISH është institucioni i tretë më i rëndësishëm për mbajtjen e një shteti në këmbë”, tha ai./Dosja.al
TIRANA- Protesta në Tiranë ka shënuar ditën e sotme 119-të ditë të revoltës qytetare kundër klasës politike. Gjatë tubimit përballë godinës së Kryeministrisë, një i ri ka marrë fjalën e tij në podium ku ka ka akuzuar kryeministrin Edi Rama për përndjekje të shqiptarëve dhe për qëndrime të pamjaftueshme ndaj çështjeve të shqiptarëve jashtë kufijve.
Gjatë fjalës së tij ai përmendi Kosovën dhe Çamërinë, duke pretenduar se ka pasur plane për ndarjen e Kosovës. Protestuesi e akuzoi Ramën për lidhje me persona të botës së krimit dhe kritikoi gjuhën e përdorur nga ai në publik. Ai e mbylli fjalën e tij, duke kërkuar largimin e kryeministrit të vendit Edi Rama nga drejtimi i shtetit dhe tha se populli shqiptar nuk e mbështet më.
“Kemi në krye një kriminel, një diktator, një piktor. Diktatori që kemi ne në krye përndjek shqiptarët. Një shqiptar që ka përndjekur edhe shqiptar, dhe nuk ka ngritur njëherë zërin për shqiptarët jashtë kufijve, as për Çamërinë dhe as për Kosovën. Mos harrojmë se ka pasur një plan për ndarjen e Kosovës. Kemi një diktator që po ndot gjuhën shqipe. Besa e shqiptarit është traditë e shqiptarit. Rama ia ka dhënë besën mafiozëve. Uroj që gjithë komuniteti ndërkombëtar ta ketë parë se me cilin diktator kanë të bëjnë, sepse populli i tij nuk do më. Spiuni i tij MC Gonigal dergjet në burgjet e Neë York. Rama të largohet se po i zë diellin Shqipërisë”, tha ai./Dosja.al
TIRANA- Qytetarët janë mbledhur në shesh për të 119-tën ditë radhazi. Pas grumbullimit në sheshin Skënderbej, ata janë vendosur përballë godinës së Kryeministrisë ku kanë mbajtur fjalimet e tyre në lidhje me protestën. Një protestues, gjatë fjalës së tij, u bëri thirrje qytetarëve të angazhohen për vendin dhe të mos e shohin protestën vetëm si një tubim.
Duke marrë shkas nga ndeshja e ditës së sotme mes Shqipërisë me Bjellorusisë ai ka kritikuar edhe mënyrën se si menaxhohet futbolli shqiptar, duke pretenduar se përfaqësuesit i shërbejnë një federate që bën korrupsion. Gjatë fjalës së tij, duke iu drejtuar të rinjve dhe studentëve, i riu ngriti shqetësimin për mundësitë e punës dhe të ardhmen e tyre pas përfundimit të studimeve. Ai shtoi se shpresa e vendit është te rinia dhe vlerësoi pjesëmarrësit në protestë, pavarësisht numrit të tyre.
"Sa herë ne dalim në protestë dalim për atë flamur. Çdo shqiptar që ka shkuar në atë stadium ku luan kombëtarja duhet ta dijë se ato burra që ndjekin topin në fushë nuk janë ata Shqipëria, i shërbejnë një presidenti të një federate që bën korrupsion. Duhet të jemi këtu në shesh. Jo për të parë dhe bërë xhiro por për ti dalë zot këtij vendi, atdheut. Shqipëria e shqiptarëve vdekja është e tradhtarëve. Studentët në 5 tetor do fillojnë universitetin. A ka bij nënash që më datë 5 do hyjnë në shkollë dhe mendojnë se a do kenë një punë? Nuk i shikojnë lotët e nënave të tyre ku mendojnë se nuk kanë të ardhme në vendin e tyre? E ardhmja është te rinia. Dëgjoj që flasin shumë për bashkim, shikoj një shpirt të pastër te gjithsecili këtu te ju. Nuk më intereson nëse sheshi është plot apo bosh. Edhe 2 sikur të jenë me shpirtin e pastër ky vend ka shpresë dhe të ardhme. Nëna Shqipëri i ka pasur djemtë e saj nëpër luftëra. Nëna Shqipëria lëngon se shqiptarët vuajnë në rrugët e kurvës Europë. Ne shqiptarët nuk duhet të lëmë fatet tona as nga Amerika as nga një vend i huaj”, tha ai./Dosja.al
TIRANA- Protesta qytetare në Tiranë ka shënuar ditën e saj 119-të të revoltës. Pas grumbullimit në sheshin Skënderbej, qytetarët kanë nisur marshimin drejt godinës së Kryeministrisë ku kanë mbajtur fjalimet e tyre. Një protestues i cili është ngjitur në podium i ka bërë thirrje qytetarëve që të marrin pjesë në protestë, ndërsa ka akuzuar Vlora Hysenin se ka shpërndarë informacione të rreme me synim përçarjen e protestës.
Ai u bëri thirrje personave që i cilësoi si pjesë të SHIK-ut të largohen nga protesta, duke thënë se tubimi nuk do të përçahet. Njëkohësisht, protestuesi u bëri thirrje qytetarëve që po e ndjekin tubimin nga shtëpia të dalin në shesh, duke akuzuar qeverinë për korrupsion dhe duke kërkuar rrëzimin e kryeministrit Edi Rama.
“Vlora Hyseni kjo tradhtare e kombit ka shpërndarë informacione të rreme për të përçarë këtë protestë. Sot doja t’i bëjë thirrje të gjitha SHIK-save që janë mes nesh të shporren sepse këtë protestë nuk e përçanë dot. Të gjitha ta shqiptarë që kanë shpirt opozita dhe duan vendin e tyre ta shohin sa më mirë, sot është dita për të dalë në shesh. Të gjithë ta socialistë të ndershëm e ka për detyrë që sot jetë në shesh. Të gjithë ata që na ndjekin nga televizori, çfarë prisnin? Shpin po ua marrin, Shqipërinë po ua shesin…çohuni nga divani dhe ejani këtu të gjithë…Duhet të jeni këtu sa nuk është vonë. Duhet të jemi krah për krah për të luftuar qeverinë më të korruptuar, të rrëzojmë Edi Ramën”, tha ai./Dosja.al
TIRANA- Një qytetare ka ironizuar ditën e sotme kryeministrin e vendit Edi Rama dhe ka zhvilluar fjalimin e saj para Kryeministrisë me pulë në dorë. Ky veprim i saj ka ardhur pasi kryeministri u godit me vezë në protestën në New York. Pas kësaj, qytetarja iu drejtua edhe Policisë së Shtetit, duke kërkuar arrestimin e kryeministrit.
Qytetarja: Një thirrje për Hasramën…Hajde mëru me pulat se me burrat nuk merresh. Edi Rama ka frikë pulat në Amerikë , a ka frikë pulat në Shqipëri. Policia hajdeni vejani prangat se nuk mundeni të arrestoni as Ramën dhe as Ballukun. Hajdeni arrestojeni./Dosja.al
View this post on Instagram
TIRANA- Qytetarët janë zhvendosur tashmë para Kryeministrisë dhe kanë nisur fjalimet e tyre. Një qytetare ka shprehur pakënaqësinë e saj ndaj situatës ekonomike dhe vendimeve të qeverisë. Duke folur para protestuesve, qytetarja tha se pensionistët marrin 120 mijë lekë, ndërsa kryeministrit shkon në hotele luksoze.
Më tej, ajo akuzoi kryeministrin Rama se po trajton pasuritë dhe zonat turistike të vendit si pronë personale, ndërsa përmendi edhe çështjen e zhvillimeve urbane në Durrës.
“Këto janë në Amerikë, kamë 120 mijë lekë pension të vjetra. Surrati atyre shkon shtrihen në hotele luksoze. Nuk duan të janë dinë për këtë popull. Por duhet të dini se ky popull nuk ndalon më. Edi Rama, ky bastard, i duket vetja pronar i Shqipërisë, po shet të gjitha vendet e bukura të Shqipërisë. Blendi Gonxhe, Edi Rama dhe mafia kanë firmosur për Durrës. Si thonte Rama, firmos fap e fap e fap. Por ky popull nuk të fal, je hajdut. Pasqyra që ke nxjerrë shihu në pasqyrë si je…Blendi Gonxhe, ka vjedhur…kërkojmë anulimin e vendimit të KKT, numër shtatë, dt 2.4.2024. Projektuesi Olset Haxhiu, tenderat i fiton ky….miku i Edi Ramës.”, tha ajo./Dosja.al
TIRANA- Protesta në Tiranë ka shënuar ditën e sotme 119 ditë të revoltës qytetare. Protestuesit janë grumbulluar para godinës së Kryeministrisë në të cilën janë mbajtur fjalime. Aktivistja Sidorela Vatnikaj, ka marrë fjalën e saj në podium ku ka deklaruar se arsyet për të protestuar kundër qeverisë janë të forta dhe janë shtuar pas zbulimit të skandaleve të reja. Në fjalën e saj, ajo akuzoi qeverinë se është e lidhur me oligarkë dhe persona të përfshirë në çështje korrupsioni e krimi të organizuar, duke përmendur arrestimin e Ergys Agasit.
Sipas Vatnikaj, këto zhvillime tregojnë se shteti ka rënë dhe se kryeministri Edi Rama është i delegjetimuar. Ajo kërkoi që Rama të thirret nga drejtësia, të merret në pyetje dhe të hetohet për lidhje të dyshuara me krimin e organizuar, ndërsa e mbylli deklaratën duke thënë se protesta zhvillohet për arrestimin e Ramës.
“Jemi mbledhur në këtë shesh edhe sot sepse arsyet që nxorën protestuesit janë legjitime dhe të forta për të protestuar kundër kësaj qeverie, por dita ditës rriten nga çdo skandal që zbulohet. Ashtu sic kishim dëgjuar që shteti është në duart e një grupi oligarkësh e kriminelësh, sot duke parë se si pjesa më e madhe e qeverisë Rama më të besuarit e tij janë o në arrest shtëpie o në burg, ose në arrati. Më të besuarit e tij janë të akuzuar për korrupsion dhe lidhje me krimin e organizuar. Dhe këto na bëjnë të dalim cdo ditë. Arrestimi i Ergys Agasit dhe arrestimi i zonjës që duhet të ishte në krye të institucionit më të rëndësishëm tregojnë se shteti ka rënë. Kemi kryeministër të delegjetimuar, ka më shumë njerëz të tij në burg se në institucione. Nuk kemi vetëm një kryeministër të deligjitimuar, por një kryeministër që ka qenë në dijeni për lidhjet me krimit. Sot Edi Rama duhet të thirret nga drejtësia, të pyetet të hetohet dhe të arrestohet, t’i kthehet shoqërisë shqiptare çdo e mirë publike që organizata kriminale që ka drejtuar Edi Rama i ka marrë shoqërisë. Sot jemi për hetimin dhe arrestimin e Ramës”, tha ajo./Dosja.al
TIRANA- Protesta qytetare në Tiranë ka shënuar ditën e sotme, ditën e 119-të të revoltës kundër klasës politike. Qytetaret janë ngritur në protestë nën thirrjet "Rama në burg! Berisha në burg!", "Opozitë e shitur".
Qytetarët kanë përcjellë mesazhet e tyre edhe përmes pankartave të vendosura në shesh, ku spikasin kritikat ndaj qeverisë dhe thirrjet drejtuar drejtësisë. Në një pankartë, protestuesit thonë se Shqipëria nuk është pronë private dhe se taksat janë përgjegjësi e qeverisë./Dosja.al
TIRANA- Qytetarët kanë nisur marshimin drejt Kryeministrisë, ku dhe pritet që të zhvillojnë fjalimet e tyre. Pjesëmarrja e tyre është e konsiderueshme, ndërsa në duar mbajnë pankarta dhe flamuj kuqezi. Kërkesat e qytetarëve mbeten të njejtat, ata kërkojnë dorëheqjen e panegociueshme të kryeministrit Edi Rama si dhe anulimin e ligjit për zonat e mbrojtura.
Qytetarët i kanë qëndruar bindshëm kërkesave të tyre dhe kanë zgjedhur që të mos bëjnë negociata me to. "Edi Rama o tradhtar, me Shqipërinë mos bëj pazar", "Rama jep dorëheqjen" dhe "Ju erdhi fundi", këto janë thirrjet që po shoqërojnë marshimin e tyre./Dosja.al
TIRANA- Protestuesit janë mbledhur sot në ditën e 119-të të protestës për largimin e Kryeministrit Edi Rama. Protestuesit kanë nisur grumbullimin në sheshin Skënderbej për të vazhduar më tëj marshimin drejt godinës së Kryeministrisë.
Me pankarta në duar e thirrje kundër korrupsionit dhe gjithë klasës politike, qytetarët kanë krijuar një atmosferë tejet të ndezur në qendër të Tiranës. Ata kërkojnë ndryshim të gjithë klasës politike dhe plotësimin e kërkesave të tyre, ku në krye të listës qëndron dorëheqja e kryeministrit Rama nga qeveria./Dosja.al
TIRANA- Qytetarët do të mblidhen sot në protestën e 119-të radhazi kundër qeverisë Rama. Për më shumë se tre muaj, qytetarë të shumtë në numër mblidhen në Sheshin Skënderbej dhe më pas marshojnë drejt Kryeministrisë. Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama.
Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë. Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese.
Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve.
Gjatë tubimeve, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi"./Dosja.al
