Protestuesit i gjuajtën me vezë/ Rama, me batuta: U ndjeva mirë, Pjerin Ndreu erdhi me vrap

Kryeministri Edi Rama, në një takim me shqiptarët në Staten Island në New York, komentoi edhe incidentin e ndodhur dje, kur ndaj tij u hodhën vezë nga disa protestues.

Rama e cilësoi si një integrim të shqiptarëve jashtë kufijve me kauzat që nisin brenda kufirit, ndërsa nuk ngurroi të bënte edhe batuta për rastin.

Pjesë nga fjala e Ramës:

Organicitet ishin edhe vezët që më hodhën mua para pak netësh, duke treguar se ajo çka ndodh në Shqipëri i ka integruar shqiptarët. Një nga hedhësit e vezëve kishte ardhur nga Britania për të hedhur vezë. Shpresoj të ketë kaluar mirë me policinë e New Yorkut.

Pastaj në trupën e angazhuar kryesor ishte një shqiptar që punonte këtu. Falë kësaj ndërlidhjeje mes Shqipërisë dhe diasporës, u ndodha fiks si në Shqipëri, me protesta dhe me plot shqiptarë. U prita me një tortë rozë me dy flamingo sipër dhe u ndjeva shumë mirë.

Nuk vuajmë më faktin që kafshët e natyra vritet dhe nuk merret më njeri me të, por kafshët dhe natyra mbrohen dhe njerëzit shqetësohen. Ka ardhur koha kur Shqipëria thotë se ka edhe më mirë dhe është e vërtetë që ne së bashku mund të bëjmë çdo ditë e më mirë për Shqipërinë dhe shqiptarët. Kur pa që mu hodhën ca vezë erdhi me vrap kryepolici i Shqipërisë, Pjerin Ndreu. Një nga kryetarët më të mirë të bashkive, që vuan edhe nga fakti që Lezha nuk bëhet kryeqytet, më la porosi të them diçka për lezhjanët sepse ka të tillë në sallë. Jeni me fat që e keni./CNA