"Po studiojmë risqet që mund të sjellë në mjedis"/ Rama nga SHBA: Projekti i Sazanit dhe Zvërnecit, të jasht&...
Protesta kundër qeverisë/ Nis marshimi drejt Kryeministrisë: Edi Rama o tradhtar, me Shqipërinë mos bëj pazar 26 ...
Berisha i uron mirëseardhjen ambasadorit të ri: SHBA do të japë një ndihmë substanciale për çmontimini...
Shpërthimi i fuqishëm në Athinë ku humbën jetën tre shqiptarët, nxjerren trupat e gjashtë viktimave nga ...
• Kryeministri i vendit, Edi Rama zhvilloi këtë mbrëmje një takim me komunitetin shqiptar në Staten Island, New York. • Gjatë fjalës së tij në këtë takim, Rama foli për protestën në SHBA, projektin e Sazanit dhe Zvërecit si dhe diasporën shqiptare dhe marrëdhënien me të. • Në lidhje me këtë të fundit, Rama u shpreh se gjatë dekadës së fundit janë krijuar ura të reja bashkëpunimi në investime, ekonomi dhe rikthimin e shqiptarëve në vendlindje. • Lideri i qeverisë argumentoi se marrëdhënia mes Shqipërisë dhe diasporës ka kaluar nga mbështetja financiare e familjeve drejt një partneriteti më të gjerë. • Kryeministri bëri me dije se ka nisur krijimi i regjistrit kombëtar të diasporës, për të gjithë ata që kërkojnë të investojnë në Shqipëri. • Duke folur për protestën e qytetarëve shqiptarë në SHBA, ku ata e qëlluan me vezë, ai tha me ironi se një prej personave që mori pjesë në protestë kishte ardhur nga Britania për t’i hedhur vezë, duke shtuar se kjo situatë e bëri të ndihej si në Tiranë. • Më tej, ai u ndal edhe tek "Paketa e Maleve", për të cilën tha se është hartuar për të zgjidhur problematikën e ndarjes së pronave në male dhe për t’u dhënë mundësi pronarëve të zhvillojnë pronat e tyre. • Rama foli sërish për projektin e Sazanit dhe Zvërnecit, duke i cilësuar si projekte të jashtëzakonshëm për ekonominë shqiptare. • Gjatë fjalës se tij në një takim me komunitetin shqiptar ai tha se Shqipëria po synon turizmin e vlerës, me qëllim sjelljen e më shumë përfitimeve ekonomike për popullin shqiptar. • Rama deklaroi se vetëm projekti në Zvërnec parashikohet të sjellë mbi 4 miliardë euro, duke theksuar se ekonomia shqiptare është rreth 27 miliardë euro. • Më tej, ai theksoi se qeveria po studion edhe dëmin që këto projekte mund të sjellin në mjedis, duke hartuar një studim të plotë mbi risqet reale.
4 artikuj për këtë temë.
SHBA- Kryeministri i vendit, Edi Rama ka folur sërish për projektin e Sazanit dhe Zvërnecit, duke i cilësuar si projekte të jashtëzakonshëm për ekonominë shqiptare. Gjatë fjalës se tij në një takim me komunitetin shqiptar në Staten Island, New Jork, Rama tha se Shqipëria po synon turizmin e vlerës, me qëllim sjelljen e më shumë përfitimeve ekonomike për popullin shqiptar.
Rama deklaroi se vetëm projekti në Zvërnec parashikohet të sjellë mbi 4 miliardë euro, duke theksuar se ekonomia shqiptare është rreth 27 miliardë euro. Më tej, ai theksoi se qeveria po studion edhe dëmin që këto projekte mund të sjellin në mjedis, duke hartuar një studim të plotë mbi risqet reale.
Edi Rama: Këtë synim ka projekti i shumëdiskutuar, projekti i famshëm, por edhe fatkeq për fat të keq, si rezultat i shumë gënjeshtrave, manipulimeve, denigrimeve. Projekti i Sazanit dhe Zvërnecit, një projekt që sjell vetëm në Zvërnec më shumë se 4 miliardë euro, në një ekonomi që në totalin e vet është 27 miliardë euro. Një projekt i jashtëzakonshëm për Shqipërinë. Është jashtëzakonisht delikat edhe në aspektin e ekuilibrit për mjedisin, prandaj ne po punojmë shumë për të pasur një studim për ndikimin dhe risqet në mjedis. Risqet reale dhe jo ato që prodhohen në rrjetet sociale nga sharlatanët e manipulatorët. Shpresoj që kur të vini në Shqipëri, kryepolici të na japë mundësi që të takohemi. Para se të vija këtu, më mori në telefon Dritani nga Mali i Zi, ish-kryeministri dhe miku im i shtrenjtë, i vetmi qytetar i botës në Ballkan, i cili më tha ‘shiko se atje ku po shkon, te ajo dallga shqiptare, ke edhe disa shkumë nga Ulqini. Kështu që shumë faleminderit./Dosja.al
SHBA- Kryeministri i vendit, Edi Rama po zhvillon këtë mbrëmje një takim me komunitetin shqiptar në Staten Island, New York. Gjatë fjalës së tij në këtë takim, ai foli për paketën e maleve duke hedhur poshtë akuzat se është krijuar për përfitime të paligjshme nga pronat në zonat malore. Ai deklaroi se kjo nismë është hartuar për të zgjidhur problematikën e ndarjes së pronave në male dhe për t’u dhënë mundësi pronarëve të zhvillojnë pronat e tyre.
“Besoj se keni dëgjuar të mirat dhe të këqijat për paketën e maleve, që ju thonë se është bërë për të vjedhur, por në të vërtetë paketa e maleve është bërë për të gjithë ju. Është ekskluzivisht për të adresuar një problematikë të ligjit, i cili nuk e ka zgjidhur dot çështjen e ndarjeve të pronave në male. Paketa e maleve u jep mundësinë gjithkujt, që të paraqitet në bashkinë përkatëse, për të zhvilluar pronën e vet. Unë gjithmonë e kam besuar, që pavarësisht se turizmi në Shqipëri identifikohet me detin, por momenti që Shqipëria do të ngrihet në lartësinë e vet, do të jetë momenti kur malet të ngrihen në lartësinë e vet. Prandaj qëndrova te paketa e maleve për t’iu siguruar që paketa e maleve është bërë për ata që kanë pronën atje dhe për askënd investitor tjetër.”, u shpreh ai./Dosja.al
SHBA- Kryeministri i vendit, Edi Rama po zhvillon këtë mbrëmje një takim me komunitetin shqiptar në Staten Island, New York. Gjatë fjalës së tij në këtë takim, Rama foli edhe për protestën e qytetarëve shqiptarë në SHBA, ku ata e qëlluan me vezë.
Në lidhje me këtë ai tha me ironi se një prej personave që mori pjesë në protestë kishte ardhur nga Britania për t’i hedhur vezë, duke shtuar se kjo situatë e bëri të ndihej si në Tiranë. Rama u ndal edhe te marrëdhënia me diasporën shqiptare, duke vlerësuar kontributin e emigrantëve për familjet dhe ekonominë e vendit.
Në lidhje me këtë, lideri i qeverisë argumentoi se marrëdhënia mes Shqipërisë dhe diasporës ka kaluar nga mbështetja financiare e familjeve drejt një partneriteti më të gjerë. Kjo përfshin sipas tij, investimet, angazhimin dhe rikthimin e shqiptarëve në vendlindje.
Edi Rama: Faleminderit për mikpritjen. Të them të drejtën kur na thanë mbrëmë se një stuhi e madhe po vinte menduam se do të ishte pengesë që të mblidheshit këtu, ju jo vetëm u mblodhët, por ndaluat edhe stuhinë nga ajo që parashikohej. Më vjen mirë që jam këtu, ku thonë se është i vetmi vend në botë, ku mund të gjedh Ismail Qemalin, Isa Boletinin dhe Rusveltin pranë njëri-tjetrit.
Jemi në Amerikë, por ky është një territor i pushtuar jozyrtarisht nga shqiptarët. Jemi këtu për të ndarë disa gjëra që kanë ndodhur në të shkuarën. Këtu në Staten Irelant në 2015-ën unë isha në një darkë së bashku me Hashim Thaçin dhe këtu diskutuam për samitin e parë të Diasporës në Tiranë dhe ishim bashkë me Thaçin. Një dekadë pas samitit kanë ndodhur shumë gjëra.
Çdo gjë lidhej me dërgesat që shqiptarët dërgonin për të mbajtur familjen, por tashmë shumëçka ndodh dhe janë ndërtuar ura me interesa, interesa, investime dhe rikthime shqiptarësh në tokën amë. Në këto vite ka një fakt të jashtëzakonshëm që e vendos çdo emigrant në një piedestal të posaçëm. Çdo familje shqiptarë ka përfituar nga dërgesat financiare të disasporës, ku 9 nga 10 shqiptarë, kanë ndërtuar çati mbi kokë, janë shkollar apo kanë përmirësuar jetën falë çdo të afërmi në diasporë.
Ky është një nder i madh që e mbulon me lavdi diasporën. Por siç e thashë nuk jemi më në fazën që diaspora jepte dhe Shqipëria vetëm merrte, por jemi në një lidhje dhe partneritet të fortë, që ka hyrë në rrugëqn e një zhvillimi dhe ku sot kemi organe të një trupi të ri që kemi ndërtuar. Institucionet e diasprës, këshillet, agjencitë dhe samitet që ndihmojnë për angazhime të ndryshme.
Po krijojmë një regjistër kombëtar të diasporës si një dritare për ata që duan të investojnë sadopak në Shqipëri. Organicitet ishin edhe vezët që më hodhën mua para pak netësh, duke treguar se ajo çka ndodh në Shqipëri i ka integruar shqiptarët. Një nga hedhësit e vezëve kishte ardhur nga Britania përtë hedhur vezë,. Shpresoj të ketë kaluar mirë me policinë e Neë Yorkut.
Pastaj në trupën e angazhuar kryesor ishte një shqiptar që punonte këtu. Falë kësaj ndërlidhjeje mes Shqipërisë dhe diasporës, u ndodha fiks si në Shqipëri, me protesta dhe me plot shqiptarë. U prita me një tortë rozë me dy flamingo sipër dhe u ndjeva shumë mirë.
Nuk vuajmë më faktin që kafshët e natyra vritet dhe nuk merret më njeri me të, por kafshët dhe natyra mbrohen dhe njerëzit shqetësohen. Ka ardhur koha kur Shqipëria thotë se ka edhe më mirë dhe është e vërtetë që ne së bashku mund të bëjmë çdo ditë e më mirë për Shqipërinë dhe shqiptarët. Kur pa që mu hodhën ca vezë erdhi me vrap kryepolici i Shqipërisë, Pjerin Ndreu. Një nga kryetarët më të mirë të bashkive, që vuan edhe nga fakti që Lezha nuk bëhet kryeqytet, më la porosi të them diçka për lezhjanët sepse ka të tillë në sallë. Jeni me fat që e keni./Dosja.al
SHBA- Kryeministri i vendit, Edi Rama po zhvillon këtë mbrëmje një takim me komunitetin shqiptar në Staten Island, New York. Gjatë fjalës së tij në këtë takim, Rama u shpreh se lidhja mes Shqipërisë dhe diasporës ka hyrë në një fazë të re partneriteti.
Në lidhje me këtë, ai tha se gjatë dekadës së fundit janë krijuar ura të reja bashkëpunimi në investime, ekonomi dhe rikthimin e shqiptarëve në vendlindje. Lideri i qeverisë bëri me dije se ka nisur krijimi i regjistrit kombëtar të diasporës, për të gjithë ata që kërkojnë të investojnë në Shqipëri.
Edi Rama: Pavarësisht se jemi në Amerikë, ky është një territor jo zyrtarisht i pushtuar nga Shqiptarët. Jemi këtu për të ndarë disa gjëra që kanë ndodhur këto vite. Në vitin 2015, unë isha këtu në një darkë shqiptarët i ftuar bashkë me Hashim Thaçin dhe në atë darkë u diktua ideja e samitit të diasporës, që u bë në Tiranë.
10 vjet prej atij samiti, kanë ndodhur plot gjëra pozitive. Lidhje me diasporën, është kthyer një lidhje ku shumëçka tjetër ndodh dhe janë ngritur ura mbi të cilat kalojnë interesa, investime dhe shumë rikthim shqiptarët në tokën mëmë, qoftë për të bashkëfinancuar me miq e të afërm për projekte të ndryshme, qoftë edhe për të qëndruar në Shqipëri. 90% e familjeve shqiptare kanë përfituar të paktën një herë nga dërgesat financiare të diasporës. Ky është një nder i madh që do e mbulojë me lavdi diasporën shqiptare.
Nuk jemi më në atë fazën ku diaspora jepte dhe Shqipëria merrte, por jemi në atë fazë ku diaspora është një lidhje më e fortë dhe në partneritet. Sot kemi organe të një trupi krejt të ri për diasporën. Nga samitet shqiptare dolëm në strategjinë e diasporës 2030, e cila ka qeverisjen, ekonominë dhe inovacionin, si dhe gjuhën e kulturën për diasporën. Kemi nisur të krijojmë regjistrin kombëtar të diasporës, për të gjithë ata që kërkojnë të investojnë sado pak, apo shumë në Shqipëri./Dosja.al
