Pavarësisht motit të pafavorshëm, gjatë kësaj fundjave është regjistruar një numër më i lartë qytetarësh nga Kosova që kanë hyrë në Shqipëri përmes Pikës së Kalimit Kufitar të Morinës. Lëvizjet kanë nisur që në orët e para të mëngjesit.
Të lidhura
None found
Sipas RTSH-së, me mbylljen e sezonit veror, kontrollet kufitare në Morinë do të rikthehen më 30 shtator.
Kontrollet do të vijojnë deri më 1 nëntor dhe do të kryhen në përputhje me procedurat përkatëse. Udhëtarët kanë deklaruar se deri tani kalimi në pikën kufitare nuk është shoqëruar me vonesa.
Edhe pas përfundimit të sezonit veror, Morina mbetet një prej pikave kryesore të qarkullimit mes Shqipërisë dhe Kosovës. Autoritetet do të vazhdojnë të ndjekin fluksin e udhëtarëve dhe të zbatojnë rregullat kufitare.
