U mbyll edhe protesta e 119 qytetare kundër qeverisë së Edi Ramës.
E veçanta e kësaj dite ishte dhe marshimi i protestuesve të cilët në dy raste, pranë Liqenit Artifical dhe Librit Universitar hasën në kordonin policor që nuk i lejuan të shkojnë më tej.
Shkak ishte ndeshja që luhej në Air Albania, mes Shqipërisë dhe Bjellorusisë e vlefshme për Ligën e Kombeve.
Nëse te Liqeni protestuesit devijuan rrugën nga gardhi policor, në fund të marshimit pranë Librit Universitar ata mundën ta çajnë atë dhe të shkojnë para Kryeministrisë, ku mbyllën ditën e 119-të të revoltave.
Në fjalimet e tyre para kryeministrisë protestuesit bën thirrje për arrestimin e Ramës, por edhe për konfiskimin e pasurive të tij dhe çdo zyrtari të korruptuar.
