Ismajli: E dominuam Bjellorusinë, mund të fitonim me rezultat më të thellë

Ardian Ismajli ishte një nga më të mirët ë fitoren 2-0 të Shqipërisë ndaj Bjellorusisë. Pas ndeshjes, mbrojtësi foli për Tv Klan, ku u shfaq i lumtur për fitoren.

Ismajli deklaroi se ekipi mund të kishte fituar me rezultat më të thellë, pasi rastet i kishin.

“Ishte shumë e rëndësishme ta nisnim me fitore, sidomos pas atyre miqësoreve në qershor. Në 10 minutat e para ishim në vështirësi, por ia dolëm. Kishim mundësi të shënonim më shumë. Megjithatë me rëndësi është që morën 3 pikët. Sot ekipi më la përshtypje pozitive. E dominuam kundërshtarin. Mund të fitonim me rezultatin më të thellë. Është një trajner i ri dhe sistem i ri. Çunat po përshtaten.

Nuk e prisnim të luante në presing në fillim Bjellorusia. Megjithatë jemi lojtarë që dimë si të mbrohemi, sepse kemi luajtur në Serie A. Pastaj e vumë ndeshjen në kontroll dhe bëmë atë që duhej”, deklaroi Ismajli.