Një stuhi e fuqishme ka goditur sot bregdetin verilindor të SHBA-së, duke sjellë erëra të forta, reshje të dendura dhe dallgë të mëdha. Moti i përkeqësuar ka shkaktuar ndërprerje të energjisë elektrike për mijëra njerëz dhe ka krijuar kushte të rrezikshme në disa zona.
Dhjetëra milionë njerëz ndodheshin në trajektoren e nor'easter-it, një stuhi e fuqishme dimërore bregdetare, e cila pritej të prekte rajonin e Atlantikut të Mesëm dhe Anglinë e Re gjatë gjithë fundjavës. Rreth 100 mijë klientë në rajon mbetën pa energji elektrike ditën e sotme.
Sipas parashikimeve, kushtet e vështira të motit pritet të vazhdojnë. “Do të ketë shumë erëra të forta, shumë baticë të larta dhe mundësi për shira të rrëmbyeshëm gjatë ditëve të ardhshme në verilindje të SHBA-së”, tha Bob Oravec, parashikuesi kryesor i motit në Shërbimin Kombëtar të Motit në College Park, Maryland.
Në Long Island, në shtetin e Nju Jorkut, disa banorë përdorën kajakët për të lëvizur nëpër rrugët e përmbytura.
Sondazh
Lexo gjithashtu
