Kryeministri Edi Rama është kthyer në Shqipëri pas vizitës në SHBA, ku mori pjesë në Asamblenë e Përgjithshme të OKB-së. Pas mbërritjes në aeroportin “Nënë Tereza”, ai pritet t’u drejtohet shqiptarëve me një mesazh.
Dalja e tij vjen pas hetimeve të SPAK për ish-drejtoreshën e Shërbimit Informativ Shtetëror, Vlora Hyseni, e cila dyshohet se i ka dorëzuar informacione sekrete biznesmenit Ergys Agasi, të arrestuar në kuadër të dosjes “AKSHI”.
Rama do të marrë pjesë gjithashtu në mbledhjen e Këshillit të Sigurimit Kombëtar, e cila do të zhvillohet të hënën, në orën 08:30, në Pallatin e Brigadave.