Lamborghini po shqyrton një Temerario të përshtatur për terrene të vështira

Pas pritjes së mirë që pati Huracán Sterrato, Lamborghini nuk e përjashton krijimin e një versioni të ngjashëm edhe për Temerario-n.

Drejtues të kompanisë kanë lënë të kuptohet se një model i tillë mund të rikthehet në të ardhmen, por deri tani nuk është dhënë asnjë konfirmim zyrtar.

Një Temerario Sterrato mund të pajiset me hapësirë më të madhe nga toka dhe goma të projektuara për sipërfaqe të vështira.

Modeli aktual Temerario ka një motor V8 biturbo 4.0-litërsh dhe sistem hibrid. Fuqia e kombinuar arrin në 920 kuaj fuqi, ndërsa shpejtësinë nga 0 në 100 km/h e kap për 2.7 sekonda.

Ideja për një Temerario Sterrato mbetet ende në fazën e mundësisë, ndonëse Lamborghini nuk e ka përjashtuar rikthimin e këtij koncepti. /Telegrafi/