Miqtë e mi,
Ju ftoj të ndiqni një pjesë të fjalimit të Edi Ramës në OKB.
Këtë fjalë zgjodhi Edi Rama ...
BOTA
I biri i hetuar për vrasje ‘zbulon’ mashtrimin 14 milionë paund të babait
PiranjatPërditësimi i fundit 27 Shtator 2026, 17:14
Ish-ylli i një telenovele televizive, i arratisur dhe i dënuar për organizimin e një skeme mashtrimi prej 14 milionë paundësh, u gjurmua dhe u arrestua pasi djali i tij u përfshi në një vrasje në Costa Blanca. Phillip, i cili luajti rolin e Christian Wright në më shumë se 60 episode të serialit të Channel 4, u arrestua në Spanjë të premten e kaluar, pas një kërkimi njëvjeçar.
Ai kishte drejtuar për më shumë se tetë vjet një rrjet agjencish të rreme modelingu, duke mashtruar më shumë se 6,000 viktima dhe duke u marrë atyre rreth 13,6 milionë paund.
Një urdhër arresti ishte lëshuar në shkurt të vitit të kaluar, pasi ai ishte dënuar në mungesë me tetë vjet e gjashtë muaj burg dhe kishte qenë në arrati që prej atëherë.
Pas arrestimit në Alicante, 51-vjeçari, i cili ishte renditur ndër personat më të kërkuar në Britani, pritet të ekstradohet në Mbretërinë e Bashkuar për të vuajtur dënimin.
Policia spanjolle konfirmoi ditën e arrestimit të Philip tha sqaroi se ai u kap gjatë një hetimi për një vrasje në të njëjtën zonë bregdetare. Trupi i një 29-vjeçari, i qëlluar me disa plumba, u gjet më 21 dhjetor të vitit të kaluar në një banesë në veri të Torreviejës.
Mësohet se për këtë vrasje është bërë një arrestim, por policia besohet se po heton edhe persona të tjerë të dyshuar. Burime pranë hetimit kanë konfirmuar tashmë se djali i Philip, Michael, po hetohej në lidhje me vrasjen. Ishte pikërisht kërkimi për të që çoi hetuesit te vendndodhja ku fshihej babai i tij, ish-aktori i Brookside, në Orihuela Costa.
Vendndodhja aktuale e Michael nuk dihet dhe ai ishte raportuar i zhdukur nga familjarët e shqetësuar në fillim të këtij viti.
Një burim tha: “Kur raportuan zhdukjen e tij, kishin frikë se mund të ishte vrarë. Por në atë moment ai tashmë po hetohej në lidhje me vrasjen e dhjetorit.”
Michael është dënuar në mungesë me tre vjet e gjashtë muaj burg në shkurt të vitit të kaluar, për rolin e tij në skemën e mashtrimit të organizuar nga babai i tij. Philip kishte drejtuar një rrjet të dyshimtë agjencish të rreme modelingu dhe kishte marrë në mënyrë të paligjshme gjithsej 14 milionë paund nga më shumë se 6,000 persona që shpresonin të gjenin punë si modele.
Viktimave u dërgoheshin me email pretendime mashtruese për potencialin e tyre, pasi ishin joshur përmes reklamave të rreme në rrjetet sociale. Mashtrimi u shkaktoi familjeve të tyre borxhe të mëdha. Agjencitë e tij të rreme nuk paguanin taksa dhe mbylleshin e hapeshin vazhdimisht me emra të rinj për t’iu shmangur autoriteteve, u tha në Gjykatën e Kurorës në Sheffield.
Policia britanike besohet se u vu në dijeni për herë të parë nga autoritetet spanjolle në fillim të këtij viti se djali i Philip ishte shpallur i zhdukur. Burime nga policia spanjolle konfirmuan se kjo vijon të jetë situata.
Në maj të vitit të kaluar, Agjencia Kombëtare e Krimit (NCA) u bëri thirrje qytetarëve për ndihmë në gjurmimin e Philip, me qëllim që ai të vuante dënimin me burg.
Në atë kohë, agjencia deklaroi: “Foster është dënuar për drejtimin e një skeme mashtrimi që përdorte agjenci të rreme modelingu dhe studio fotografike për t’u marrë viktimave shuma të mëdha parash. Viktimave u thuhej se mund të fitonin para si modele profesioniste, por në vend të kësaj u jepeshin fotografi dixhitale me cilësi të dobët, të cilat nuk mund të përdoreshin për të siguruar punë profesionale.
Foster kërkohet për të nisur vuajtjen e një dënimi prej tetë vjetësh e gjashtë muaj burg. Nëse keni informacion, kontaktoni Crimestoppers.”
Mashtrimi “mizor” i ish-yllit të telenovelave u zbulua pas një hetimi gjashtëvjeçar të kryer nga National Trading Standards (NTS), autoriteti britanik për mbikëqyrjen e standardeve tregtare. Tetë persona të tjerë u dënuan në lidhje me këtë skemë mashtrimi. /PiranjatNews/
