Presidenti amerikan Donald Trump ka mirëpritur arrestimin e pesë burrave në Britani, të dyshuar për përgatitjen e një sulmi terrorist pranë bazës ajrore RAF Fairford, duke e cilësuar operacionin si një zhvillim “fantastik”.
Duke folur për disa minuta me gazetarët në Illinois, Trump përshëndeti operacionin e autoriteteve britanike dhe pretendoi se personat e arrestuar “po planifikonin të shkaktonin dëm të madh”.
Trump tha se bashkëpunimi mes Uashingtonit dhe Londrës “funksionoi shkëlqyeshëm”, pa dhënë detaje të mëtejshme mbi rolin e agjencive amerikane në këtë rast.
“Ne i kemi ndjekur ata për një kohë të gjatë dhe më në fund i kapëm”, tha presidenti amerikan.
Sipas një deklarate të policisë, ngjarja nisi rreth orës 00:45 të së dielës, kur autoritetet morën një telefonatë për tre automjete të dyshimta që po lëviznin në drejtim të RAF Fairford.
Policia e armatosur mbërriti në zonë dhe arrestoi pesë burra, të cilët dyshohen për përgatitjen e një akti terrorist.
Rreth automjeteve të dyshimta është vendosur një perimetër sigurie prej 400 metrash, ndërsa një njësi speciale e ushtrisë britanike për asgjësimin e eksplozivëve po i kontrollon ato.
Policia e ka cilësuar rastin si një “incident të madh”, ndërsa ka theksuar se beson se situata është nën kontroll.
Si masë paraprake, 85 banesa janë evakuuar.
🚨 BREAKING: Donald Trump responds to the suspected bomb plot at RAF Fairford
"Working with Britain, it was an amazing job. We had them under investigation. They were looking to do big damage to our fort, and working with the British worked out great and we got them" pic.twitter.com/PlChiTQlSx
— Politics UK (@PolitlcsUK) September 27, 2026
