120 ditë protestë dhe qytetarët nuk tërhiqen.

Protesta maratonë vijon prej muajsh me një kërkesë të pandryshuar: dorëheqjen e Edi Ramës.

Në kërkesat e tyre qytetarët shprehen se nuk pranojnë më të heshtin përballë skandaleve, aferave dhe krizës së besimit që, sipas tyre, ka përfshirë qeverisjen.

Në fokus të zemërimit qytetar janë edhe zhvillimet e fundit që kanë përfshirë qeverinë, mes tyre arrestimi i ish-drejtoreshës së SHISH, Vlora Hyseni.

Protestuesit kërkojnë përgjegjësi dhe transparencë për atë që po ndodh në institucionet më të rëndësishme të shtetit, duke e konsideruar situatën si një tjetër arsye për të kërkuar ndryshim politik dhe dorëheqjen e kryeministrit Edi Rama.

Gjithashtu kujtojmë se edhe vizita e Edi Ramës në SHBA dhe pjesëmarrja në Asamblenë e Përgjithshme të OKB-së është cilësuar vizitë e dështuar për shkak të mungesës së takimeve të nivelit të lartë me liderë amerikanë dhe europianë.

Në ditën e 120-të, mesazhi i protestuesve mbetet i njëjtë: përgjegjësi, transparencë dhe dorëheqja e Edi Ramës.