Multimilarderi Bill Gates u ka bërë thirrje ligjvënësve federalë dhe autoriteteve të zbatimit të ligjit në SHBA që të rregullojnë zhvillimin e inteligjencës artificiale (IA). Në një intervistë që do të transmetohet të dielën, ai deklaroi se, nëse lihet pa mbikëqyrje, kjo teknologji mund të shkaktojë "një miliard vdekje" dhe se "askush nuk mendon se vetërregullimi mjafton".
"Duhet që autoritetet e zbatimit të ligjit dhe politikanët të përfshihen në diskutimin se si duhet të duken masat mbrojtëse dhe mbikëqyrja," tha bashkëthemeluesi i Microsoft-it.
Duke përdorur një term që përshkruan shpenzimet operative për drejtimin e një biznesi, Gates shtoi: "Kjo do të përbëjë njëfarë kostoje shtesë për industrinë, por nuk do të sjellë një ngadalësim drastik të asaj që po bëjnë ata."
Në një pjesë tjetër të intervistës, fragmente të së cilës NBC i publikoi paraprakisht Gates dha një paralajmërim të fortë se IA-ja, nëse bie në duar të gabuara, do të ishte "padyshim mjaft e fuqishme për të nxitur ngjarje që, siç e dini, mund të shkaktojnë një miliard vdekje". Versus.al
