Finale historike në volejbollin e femrave, Skënderbeu dhe Pogradeci përballen për Kupën në Tiranë

Për herë të parë në historinë e volejbollit shqiptar për femra, dy skuadra nga juglindja e vendit do të përballen në finalen e Kupës së Federatës Shqiptare të Volejbollit.

Skënderbeu dhe Pogradeci, skuadrat e dy qyteteve të juglindjes, do të përballen me njëra-tjetrën në palestrën e Farkës në kryeqytet ndërsa kjo shënon një moment të veçantë për volejbollin e kësaj treve, që për herë të parë sjell dy përfaqësuese në një finale të këtij niveli.

Kjo përballje premton të shkruajë një tjetër faqe në historinë e volejbollit shqiptar të femrave.