Lituania po zhvillon një nga stërvitjet më të mëdha kombëtare për përgatitjen ndaj një krize të mundshme të sigurisë, duke testuar për herë të parë në nivel kombëtar një plan të detajuar për evakuimin e Vilniusit dhe zonave kufitare në rast të një kërcënimi ushtarak.
Stërvitja, e koduar “Vyčio skliautas 2026”, do të vijojë deri më 3 tetor dhe synon të testojë reagimin e autoriteteve përballë një përkeqësimi të ndjeshëm të situatës së sigurisë.
Skenarët e simulimit përfshijnë sulme kibernetike, ndërprerje të energjisë elektrike dhe komunikimeve, bllokimin e rrugëve të transportit, si dhe nevojën për pritjen dhe lëvizjen e forcave aleate.
Në stërvitje marrin pjesë 14 ministri, të 60 komunat e vendit, rreth 3 mijë zyrtarë dhe 1 mijë vullnetarë.
Një prej objektivave kryesore është testimi i mënyrës se si autoritetet do të organizonin evakuimin e civilëve dhe funksionimin e strukturave shtetërore në rast të një situate të rëndë emergjente.