Kosova ngushton diferencën, Edon Zhegrova shënon nga penalltia

Kosova ka reaguar në sfidën ndaj Austrisë, duke realizuar golin e parë të ndeshjes.

Edon Zhegrova mori përsipër ekzekutimin e penalltisë dhe nuk gaboi nga pika e bardhë.

Penalltia u akordua pas faullit ndaj Valmir Matoshit në zonë, ndërsa ylli i Juventusit e dërgoi topin në rrjetë në minutën e 83-të.

Për momentin, Kosova vijon të jetë dy gola prapa dhe i nevojitet një përpjekje e madhe për të marrë të paktën një pikë.//