Aleksandar Vuçiç ka dhënë dorëheqjen nga posti i Presidentit të Serbisë, siç njoftoi ai në një deklaratë publike.
Sipas Kushtetutës së Serbisë, roli i presidentit tani do të merret përsipër nga Kryetarja e Kuvendit, Ana Brnabiç, shkruan A2.
Në një postim mëngjesin e së dielës, Vuçiç tha se kishte qenë nderi më i madh të ishte President i Serbisë.
“U përpoqa të bëja më të mirën çdo ditë, të justifikoja besimin që më ishte dhënë dhe t’i shërbeja vendit tim me besnikëri dhe ndershmëri. Rroftë Serbia”, shkroi Vuçiç në llogarinë e tij në Instagram.
Kur u pyet për çfarë do të donte të mbahej mend në Presidencën e Serbisë, Vuçiç u përgjigj se do të donte të mbahej mend për përkushtimin dhe zellin e tij.
“Do t’i kujtoni këto vite dhe këto ditë si kohën e progresit më të madh dhe sukseseve më të mëdha të Serbisë”, tha Vuçiç.
Serbët pritet t’u drejtohen kutive të votimit në 25 tetor, në zgjedhjet e parakohshme me te cilat Vuçiç shpreson të fuqizojë pozitat pas protestave të mëdha antiqeveritare. (A2 Televizion)
A2 CNN Livestream
MUND TE LEXONI GJITHASHTU
