Shirat e fortë, përmbytjet dhe rrëshqitjet e dheut u kanë marrë jetën të paktën 68 personave në Indi dhe Nepal gjatë tri ditëve të fundit.
Të lidhura
None found
Bilanci në Indi arrin në 56 viktima, pjesa më e madhe e të cilave janë regjistruar në Uttar Pradesh. Reshjet kanë dëmtuar rëndë banesa, infrastrukturë dhe kultura bujqësore. Në Odisha, dalja e lumenjve nga shtrati ka bërë që mbi 70 mijë banorë të evakuohen nga zonat e ulëta.
Në Nepal, fatkeqësitë e shkaktuara nga reshjet kanë lënë 12 persona të vdekur dhe shtatë të zhdukur. Gjithashtu, një ortek në Himalaje ka shkëputur kontaktet me 10 alpinistë dhe udhërrëfyes nepalezë, të cilët rezultojnë të zhdukur.
Ekipet e autoriteteve po vijojnë kërkimet dhe përpjekjet për shpëtim. Reshjet e dendura kanë shkaktuar dëme të mëdha, ndërsa mijëra banorë janë larguar nga shtëpitë e tyre.
