Mbërrin Rama në Pallatin e Brigadave, nis mbledhja e Këshillit të Sigurisë Kombëtare (VIDEO)
Kryeministri Edi Rama mëngjesin e kësaj të hënë ka mbërritur në ambientet e Pallatit të Brigadave ku ka nisur mbledhja e Këshillit të Sigurisë Kombëtare, e thirrur nga Presidenti Bajram Begaj.
Siç shihet edhe nga pamjet, eskorta e kryeministrit ka mbërritur pak minuta më parë në ambientet e Pallatit të Brigadave dhe në orën 08:30 ka nisur takimi sipas axhendës.
Takimi vjen në një moment kur institucionet e sigurisë janë përballë një prej çështjeve më të ndjeshme të viteve të fundit, pas arrestimit të ish-drejtoreshës së SHISH-it, Vlora Hyseni.
Burime institucionale bëjnë të ditur se diskutimet do të përqendrohen te siguria kombëtare dhe mbrojtja e informacionit të klasifikuar, ndërsa pritet të shqyrtohen edhe mekanizmat që lidhen me funksionimin e institucioneve të sigurisë në raste kur drejtuesit e tyre bëhen subjekt i hetimeve penale.
Sipas ligjit, Këshilli kryesohet nga Presidenti i Republikës dhe përbëhet nga drejtuesit e institucioneve kryesore të shtetit, të cilët marrin pjesë në diskutimet që lidhen me sigurinë kombëtare, mbrojtjen dhe interesat strategjike të vendit.
Ndryshohen ambasadorët e Shqipërisë në Kosovë dhe Maqedoninë e Veriut
Gerti Shella: Vlora Hyseni dorëzoi dorëheqjen, por nuk ja pranuan
Eric Wendt mbërrin në Pallatin e Brigadave për ceremoninë e nisjes së mandatit si Ambasador i SHBA në Tiranë
- 08:38 Çfarë dimë për hetimin kundër terrorizmit në bazën amerikane në Britani
- 08:28 Orteku godet një grup alpinistësh në Himalaje, 2 të vdekur dhe dhjetëra të zhdukur në Nepal
- 08:26 Kuvendi i Kosovës mblidhet sot në seancën e radhës plenare, në rend dite votimi i deklaratës për Gjykatën Speciale
- 08:20 Një javë pa ushqim dhe karburant, shpëtohen 260 emigrantë në Atlantik
- 08:19 Ndahen çmimet MTV VMA 2026, Madonna dhe Taylor Swift triumfojnë në natën e madhe të muzikës
- 08:14 Kush janë anëtarët e Këshillit të Sigurisë Kombëtare (EMRAT)