Është shkrumbuar nga flakët lokali lagjien Nea Jonia në athinë, ku 3 vite më parë u ekzekutua 37-vjeçari shqiptar Pëllumb Islami. Zjarri ka shpërthyer në lokalin e vendosur në katin përdhes të pallatit, ndërkohë flakët janë përhapur në 3 katet sipër tij duke shkrumbuar edhe apartamentet. Sipas mendiave greke, zjarri shpërtheu rreth orës 04:30 të mëngjesit, pas një shpërthimi në mensën e lokalit, ndërsa flakët u përhapën me shpejtësi në katet e sipërme. Sipas raporteve fillestare, u dëgjuan gjithsej tre shpërthime. Apartamentet në të tre katet kanë pësuar dëme të mëdha, ndërsa lokali ku filloi zjarri është shkatërruar plotësisht. Autoritet greke thonë se në të njëjtin lokal në 22 shkurt 2023 është ekzekutuar me një plumb 37 vjeçari Pëllumb Islami, por nuk deklarojnë nëse zjarri ka ndonjë lidhje me vrasjen e Islamit. Hetimet për zjarrin i ka marrë në dorë policia greke pasi dyshohet edhe për zjarrëvënie të qëllimshme.