Sport

Kupa e Shqipërisë ndryshon axhendën, 3 ndeshje luhen në ditën e sfidës së Kombëtares

Adnand KolgjokajPublikuar 28 Shtator 12:06 · 2 min lexim

Kupa e Shqipërisë do të rikthehet në skenë pas pauzës së ndeshjeve të Kombëtares, por disa prej sfidave të turit të parë do të zhvillohen ende gjatë angazhimit të kuqezinjve.

Federata Shqiptare e Futbollit ka bërë ndryshime në kalendarin e ndeshjeve të turit të parë, duke programuar tre përballje për 6 tetor, datë kur Shqipëria do të presë San Marinon.

Bëhet fjalë për takimet Skënderbeu–Naftëtari, Flamurtari–Gramshi dhe Besëlidhja–Sopoti, të cilat janë planifikuar të nisin në orën 13:30.

Ndërkohë, pjesa tjetër e programit të këtij turi do të zhvillohet më 7 tetor. Në total, janë 13 ndeshje të tjera që aktualisht janë parashikuar për t’u luajtur një ditë më vonë.

Kështu, Kupa e Shqipërisë do të rikthejë aktivitetin për klubet, ndërsa Kombëtarja do të jetë ende në fushë për ndeshjen ndaj San Marinos. Ndryshimi i axhendës sjell një kalendar të ngjeshur në futbollin shqiptar në ditët e para të tetorit.

KALENDARI I NDESHJEVE

Turi i parë

06.10.2026 ora 13:30

Skënderbeu – Naftëtari

Flamurtari – Gramshi

Besëlidhja – Sopoti

07.10.2026 ora 13:30

Bylis – Albpetrol

KF Laçi – Këlcyra

Pogradeci – Delvina

Iliria – Veleçiku

Besa – Devolli