TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Media ka siguruar fotot e dy të arrestuarve për mashtrim, të cilët i kërkuan 100 mijë euro kreut të FSHF, Armand Duka, duke u paraqitur si Taulant Balla.
Fotot janë siguruar nga gazetarja Xhensila Kodra, teksa dy të rinjtë e prangosur, dyshohen për skemën e mashtrimit 100 mijë euro. Edison Korra, 24 vjeç, dhe Orest Balla, 23 vjeç, dyshohet se tentuan të përfitonin shumën nga presidenti i FSHF-së, Armand Duka.
Sipas burimeve nga grupi hetimor, të rinjtë e kanë kontaktuar Dukën përmes aplikacionit “Signal”, duke u prezantuar si Taulant Balla dhe duke i kërkuar që shumën prej 100 mijë eurosh ta dërgonte fillimisht në kriptomonedha.
Duka dyshoi se bëhej fjalë për një tentativë mashtrimi dhe iu drejtua Policisë së Shtetit. Pas denoncimit, hetuesit organizuan një operacion të kontrolluar, ku agjentë të infiltruar u paraqitën në vend të personave të përfshirë në komunikim.
Gjatë bisedave, Duka u kishte thënë të dyshuarve që të kontaktonin djalin e tij, pasi nuk merrej me çështje që lidhen me kriptovalutat. Një agjent i infiltruar mori rolin e djalit të Dukës dhe u komunikoi të rinjve se paratë nuk do të jepeshin në kriptomonedha, por në cash.
Më pas, palët dyshohet se ranë dakord që shuma të dorëzohej fizikisht në euro. Dorëzimi u krye në Elbasan, ku banonin dy të rinjtë, ndërsa ndërhyrja e policisë çoi në arrestimin e tyre në flagrancë.
Pas arrestimit, Korra dhe Balla nuk kanë dhënë deklarime të hollësishme për personat që mund të qëndrojnë pas skemës. Sipas burimeve hetimore, dyshimet e grupit të hetimit janë përqendruar te Florian Gjergji, por kjo mbetet pjesë e hetimit dhe nuk përbën një fakt të provuar.
