Korça votoi PRO bashkimit me Maliqin/ Maliqi voton KUNDËR bashkimit me Korçën

Propozimi për Reformën Territoriale u depozitua në Kuvend më 30 korrik 2026. Më 28 shtator nisën punimet në Komisionin e Ligjeve, ndërsa prill-maj nisën dëgjesat me qytetarët.

Bashkitë që propozohet të shkrihen janë: Rrogozhina, Dimal, Poliçani, Patosi, Divjaka, Selenica, Fushë-Arrëzi, Klosi, Maliqi, Këlcyra, Memaliaj, Libohova, Cërriku, Belshi dhe Përrenjasi.

Sipas propozimit, Bashkia Maliq duhet të shkrihet dhe t’i bashkohet Bashkisë Korçë.

Por çfarë ndodh?

Në shumë nga bashkitë ka pasur debate, kryesisht në ato që shkrihen, një prej tyre edhe kundërshtia që bëhet nga Maliqi për bashkimin me Korçën.

Në mbledhjen e Këshillit Bashkiak të Korçës, të mbajtur në 25 shtator, u votua pro bashkimit me Maliqin, me 25 vota pro dhe 5 kundër.

Ndërsa në mbledhjen e sotme të Këshillit Bashkiak të Maliqit është votuar kundër bashkimit me Korçën, me 21 vota kundër dhe 1 pro.

Megjithëse këto dy këshilla kanë shumicë dërrmuese dhe përfaqësues të PS-së, sërish gjysma e Korçës kërkon të bashkohet me Maliqin, gjysma e Maliqit është kundër bashkimit me Korçën.

Tani që të mos debatojnë dhe të mos grinden shokët socialistë kemi një propozim; gjysma e Korçës të bashkohet me gjysmën e Maliqit, dhe gjysma tjetër e ndarë nga Korça dhe Maliqi të bëhen bashkë.

Kështu shpëtojnë të gjithë dhe nuk ka më debate./ CNA