Refuzuan ftesën e tij për tryezën, Rama i përgjigjet magjistratëve: Do vazhdojmë punën për ligjin e paga...
Ambasadorja e re e Bashkimit Evropian mesazh të qartë: Detyra juaj është që ndryshimi të vazhdojë 28 Shtator...
Mbyllet pas 1 ore mbledhja e Këshillit të Sigurisë Kombëtare, ja kush mori pjesë në tryezën e thirrur nga Beg...
Mbyllet dita e 120-të e protestës, thirrje: Nesër më shum&eu...
• Gjykata e Lartë dhe 2 shoqatat e gjyqtarëve kanë refuzuar ftesën e kryeministrit Edi Rama për një tryezë konsultimi mbi pagat e magjistratëve. • Ata kanë deklaruar se për sa kohë ligji i ri është ankimuar në Gjykatën Kushtetuese, diskutimi për formulën e pagave duhet të presë vendimmarrjen e saj. • Kreu i Gjykatës së Lartë, Sokol Sadushi, bëri të ditur se institucioni që ai drejton nuk do të jetë i përfaqësuar në tryezë. • Dhe Unioni i Gjyqtarëve të Shqipërisë ka deklaruar se deri në një vendimmarrje të Gjykatës Kushtetuese në lidhje me padinë e paraqitur nga shoqatat e magjistratëve, është e pamundur për ne pjesëmarrja në tryezën e konsultimit. • Pas vendimit të tyre, kryeministri Edi Rama e ka anuluar takimin e sotëm. • Përmes një njoftimi zyrtar, Kryeministria bën me dije se mbetet e hapur për vijimin e dialogut dhe dakordësimin e një date tjetër për zhvillimin e takimin. • Ndërkohë që theksohet se nga dita e nesërme, qeveria do të nis punën për hartimin e ligjit të ri mbi pagat edhe pse çështja ndodhet në Gjykatën Kushtetuese.
2 artikuj për këtë temë.
TIRANA- Kryeministri Edi Rama i është përgjigjur magjistratëve të cilët refuzuan ftesën e tij. Përmes një njoftimi zyrtar, Kryeministria bën me dije se mbetet e hapur për vijimin e dialogut dhe dakordësimin e një date tjetër për zhvillimin e takimin.
Ajo thekson se nga dita e nesërme, do të nis punën për hartimin e ligjit të ri mbi pagat. Sipas tyre, kjo do bëhet me synimin për ta shtruar si pjesë të diskutimit dhe dialogut të përbashkët gjatë takimit. Në fund, Kryeministria thotë se mbetet në pritje të dakordësimit për një datë të përshtatshme për vijimin e dialogut.
Përgjigjja e kryeministrisë për magjistratët: Duke ju falënderuar për komunikimin dhe sqarimet e përcjella lidhur me kërkesën për shtyrjen e takimit të sotëm, mirëkuptojmë këtë kërkesë, ndonëse vlerësojmë se dialogu dhe bashkëpunimi ndërinstitucional ndërmjet aktorëve të ndryshëm të sistemit të drejtësisë mbetet i rëndësishëm dhe, në parim, i pavarur nga procese të tjera që mund të zhvillohen paralelisht.
Në çdo rast, mbetemi të hapur për vijimin e dialogut dhe për dakordësimin e një date tjetër për zhvillimin e takimit. Dëshirojmë t’ju bëjmë me dije se duke filluar nga dita e nesërme, do të vijojmë punën për hartimin e ligjit të ri mbi pagat, mbi të cilin ishte përgatitur edhe një parashtresë i përgjithshëm, me synimin për ta shtruar si pjesë të diskutimit dhe dialogut të përbashkët gjatë takimit. Duke ju falënderuar për bashkëpunimin, mbetemi në pritje të dakordësimit për një datë të përshtatshme për vijimin e dialogut./Dosja.al
TIRANA- Gjykata e Lartë dhe 2 shoqatat e gjyqtarëve kanë refuzuar ftesën e kryeministrit Edi Rama për një tryezë konsultimi mbi pagat e magjistratëve. Ata kanë deklaruar se për sa kohë ligji i ri është ankimuar në Gjykatën Kushtetuese, diskutimi për formulën e pagave duhet të presë vendimmarrjen e saj.
Kreu i Gjykatës së Lartë, Sokol Sadushi, bëri të ditur se institucioni që ai drejton nuk do të jetë i përfaqësuar në tryezë. Sipas Sadushit, që prej momentit kur Kryeministri Rama bëri ftesën, ka pasur një zhvillim të ri, pasi ligji i është nënshtruar kontrollit kushtetues. Për këtë arsye, ai theksoi se fillimisht duhet të shprehet Gjykata Kushtetuese.
“Për një çështje kushtetuese tashmë të shtruar për gjykim, fjala i përket Gjykatës Kushtetuese. Për rrjedhojë, dialogu për këtë objekt mund të jetë substancial dhe efektiv pasi ajo të jetë shprehur”, tha Sadushi.
Unioni i Gjyqtarëve të Shqipërisë ka deklaruar se deri në një vendimmarrje të Gjykatës Kushtetuese në lidhje me padinë e paraqitur nga shoqatat e magjistratëve, është e pamundur për ne pjesëmarrja në tryezën e konsultimit. Më tej, ata thonë se shoqata vlerëson se nuk do të ishte e përshtatshme pjesëmarrja e saj në një diskutim institucional mbi të njëjtën çështje përpara përfundimit të këtij procesi
“Deri në një vendimmarrje të Gjykatës Kushtetuese në lidhje me padinë e paraqitur nga shoqatat e magjistratëve, është e pamundur për ne pjesëmarrja në tryezën e konsultimit të datës 28 shtator 2026. Shoqata vlerëson se nuk do të ishte e përshtatshme pjesëmarrja e saj në një diskutim institucional mbi të njëjtën çështje përpara përfundimit të këtij procesi”, thuhet në përgjigje./Dosja.al
