Zbulohen 6 lokale me baste pranë shkollave në Tiranë, arrestohen 8 persona
Policia e Tiranës ka finalizuar operacionin e koduar “Barriera”, në kuadër të kontrolleve për goditjen e lojërave të fatit të paligjshme në afërsi të institucioneve arsimore.
Sipas policisë, gjatë operacionit u zbuluan 6 lokale në zona të ndryshme të kryeqytetit, ku organizoheshin baste sportive përmes telefonave celularë. Në pranga përfunduan 8 persona, ndërsa u sekuestruan 10 pajisje të përdorura për këtë veprimtari.
Operacioni u zhvillua nga specialistët e Seksionit për Hetimin e Mashtrimeve Kibernetike, në bashkëpunim me Komisariatin nr. 2, Forcën e Posaçme Operacionale dhe nën drejtimin e Prokurorisë.
Të arrestuarit janë punonjësit e dy prej lokaleve, M. M., 20 vjeç dhe S. A., 23 vjeç, si dhe D. V., 24 vjeç, B. Ç., 42 vjeç, E. S., 43 vjeç, A. D., 26 vjeç, E. B., 24 vjeç dhe O. A., 21 vjeç, të cilët, sipas policisë, u kapën në flagrancë duke vendosur baste në ambientet e subjekteve.
Gjatë kontrolleve u sekuestruan një pajisje DVR dhe 9 telefona celularë me faqe aktive për lojëra fati.
Policia bëri të ditur se hetimet dhe kontrollet do të vijojnë për identifikimin e personave të tjerë që mund të jenë përfshirë në këtë aktivitet të paligjshëm, ndërsa materialet procedurale i janë referuar Prokurorisë për veprime të mëtejshme.
Balla: Reforma në drejtësi i dha fund imunitetit politik, sfida tani është konsolidimi
Takimi me ministrat dhe drejtuesit politikë, mbërrin në “Vilën e Kuqe” kryeministri Rama (VIDEO)
Vodhën 6 makina në Kavajë, Durrës dhe Tiranë, në pranga 2 autorët! Morën edhe lekët e një karburanti
- 14:06 Ministri izraelit, komandantit të Hamasit: Do të të ekzekutoj
- 14:05 Zelensky: Më shumë se 10,600 trupa ruse të vrarë dhe të plagosur brenda një jave, përparime në Lyman
- 14:00 Polonia dhe Lituania, plan evakuimi për civilët në rast lufte
- 13:59 Persona të panjohur vandalizuan grafitet e Franco Baresi-t në Milano
- 13:49 Netanyahu bëri një vizitë sekrete të dielën në Emiratet e Bashkuara Arabe
- 13:42 Balla: Reforma në drejtësi i dha fund imunitetit politik, sfida tani është konsolidimi