Operacioni “Cooperation”: Zbardhen 6 vjedhje në Kavajë, në pranga 2 të dyshuarit

Finalizohet në Kavajë operacioni i koduar “Cooperation”, në kuadër të të cilit Policia ka zbardhur gjashtë raste vjedhjesh dhe ka arrestuar dy persona të dyshuar si autorë.

Në pranga kanë rënë L. R., 37 vjeç dhe A. H., 32 vjeç, të dy banues në Tiranë, të cilët ishin shpallur në kërkim për vjedhje. Sipas Policisë, të dy kanë precedentë të theksuar për vjedhje dhe kundërshtim të punonjësve të Policisë.

Operacioni u zhvillua nga specialistët për Hetimin e Krimeve të Komisariatit të Policisë Kavajë, në bashkëpunim me Komisariatin e Policisë Durrës, pas hetimeve për identifikimin dhe kapjen e autorëve të disa vjedhjeve.

Të dyshuarit u lokalizuan nga shërbimet e Policisë teksa qarkullonin me një automjet. Efektivët u kanë bërë shenjë për të ndaluar, por ata nuk i janë bindur urdhrit dhe kanë kundërshtuar veprimet e punonjësve të Policisë. Nga verifikimet rezultoi se automjeti me targa të huaja me të cilin udhëtonin ishte i vjedhur.

Sipas hetimeve, më 24 shtator 2026, dy të arrestuarit dyshohet se kanë vjedhur një automjet në Kavajë dhe më pas janë larguar. Policia thotë se në këtë ngjarje janë ndihmuar nga L. D. dhe B. S., të cilët janë arrestuar më herët për kundërshtim me dhunë të punonjësve të Policisë.

Nga hetimet e kryera deri tani dyshohet se gjatë muajit shtator, L. R. dhe A. H., në bashkëpunim me njëri-tjetrin, kanë vjedhur tre automjete në Durrës dhe dy automjete në Tiranë. Në një prej rasteve në Tiranë, pronari i automjetit dyshohet se është kanosur me thikë.

Gjithashtu, A. H. dyshohet se më 17 shtator 2026 ka vjedhur me dhunë një shumë parash, që përbënte xhiron ditore, në një pikë karburanti në Bulqizë.

Gjatë operacionit dhe periudhës hetimore janë sekuestruar në cilësinë e provës materiale katër automjete, tre targa, tre çelësa automjetesh, katër telefona celularë, veshje të përdorura gjatë kryerjes së vjedhjeve, si dhe mjete të dyshuara për hapjen e automjeteve.

Policia bën me dije se hetimet vijojnë për dokumentimin dhe zbardhjen e rasteve të tjera të vjedhjeve që mund të jenë kryer nga të arrestuarit.

Shpërndanin drogë në shkollat e Tiranës, gjykata lë në burg 31 të arrestuarit

13:40 Kronika

Laert Haxhiu i drejtohet Kushtetueses, kërkon rigjykim për “masakrën e Lushnjës”

12:30 Kronika

VIDEO/ “Më duhen 100 mijë euro” - Tentuan të zhvasin Armando Dukën, arrestohen dy të rinjtë në Tiranë!

12:20 Kronika 4 komente

Shtyhet seanca për vrasjen e Egli Progës, të akuzuarit kërkojnë gjykim të shkurtuar

11:50 Kronika 1 koment

VIDEO/ Tre operacione në Kukës dhe Tropojë, arrestohen tre persona, sekuestrohen armë e kanabis

10:20 Kronika 2 komente

Athinë/ Digjet lokali ku u vra shqiptari Pëllumb Islami, dyshohet për zjarrvënie të qëllimshme

09:00 Kronika

Nga Presidenti te drejtuesit e institucioneve, kush ulet në tryezën e Këshillit të Sigurisë Kombëtare? (EMRAT)

08:30 Kronika 6 komente

Mblidhet sot Këshilli i Sigurisë Kombëtare

07:29 Kronika 12 komente

Çatia e banesës shembet nga flakët, humb jetën 70-vjeçari në Fier

20:10 Kronika 1 koment

Aksident me motor në Cërrik/ Humb jetën 21-vjeçari pas përplasjes me shtyllën, plagoset edhe pasagjeri 17-vjeç

19:10 Kronika