Një 60-vjeçar, mësues në një shkollë në Lushnjë, është arrestuar nga policia, pasi dyshohet se ka ngacmuar seksualisht, përmes mesazheve, një nxënëse 13-vjeçare.
Sipas policisë, i arrestuari është 60-vjeçari me inicialet M. S.
Hetimet për rastin vijojnë për zbardhjen e plotë të rrethanave. Materialet procedurale lidhur me rastin i janë referuar Prokurorisë së Fierit, për veprime të mëtejshme.
