Ekosistemi shqiptar i inovacionit prezantohet në Bits & Pretzels: 17 startupe, nga Shqipëria, Kosova dhe diaspora

28 Shtator 2026 | 15:30

Ekosistemi shqiptar i inovacionit, që po konsolidohet si një rrjet sipërmarrjesh, me ambicie ndërkombëtare, po prezantohet në Bits & Pretzels 2026, një nga eventet më të rëndësishme europiane të startup-eve dhe inovacionit, që zhvillohet në Mynih të Gjermanisë.

Në këtë festival, Shqipëria, që këtë vit ka statusin e vendit partner, po përfaqësohet me 17 startup-e nga Shqipëria, Kosova dhe diaspora, të cilat sjellin jo vetëm historitë e tyre të suksesit, por edhe një panoramë të transformimit që po kalon ekosistemi shqiptar i inovacionit.

E pranishme në Bits & Pretzels, Ministrja e Ekonomisë dhe Inovacionit, znj. Delina Ibrahimaj, u shpreh se “17 Startup-et e përzgjedhur, operojnë në fushat e cybersecurity, inteligjencës artificiale dhe në edukim. Jo pa qëllim janë përzgjedhur këto sektorë, pasi janë ndër më të kërkuarit aktualisht në tregjet ndërkombëtare. Qëllimi është që këto startup-e të ndajnë idetë e tyre, të bëjnë takime me të singjashmit si dhe për të tërhequr sa më shumë financime në tregun tonë. Panaire të tilla shërbejnë për ta vendosur Shqipërinë në hartën globale të ekosistemit të startupe-ve, që të arrijmë në nivelet e vendeve, që janë të shtrira, në tregjet e huaja.”

Promovimi i ekosistemit shqiptar të inovacionit në Bits & Pretzels është nismë e Startup Albania dhe EU4Innovation (GIZ), në kuadër të përpjekjeve për të zgjeruar praninë ndërkombëtare të startup-eve shqiptare dhe për t’i lidhur ato me rrjetet europiane të inovacionit dhe investimeve.

Pjesëmarrja në Bits & Pretzels 2026 vjen pas një pranie gjithnjë e më aktive të startup-eve shqiptare në evente të rëndësishme ndërkombëtare të inovacionit, si ITB Berlin, VivaTech dhe Slush, duke forcuar gradualisht pozicionimin e Shqipërisë në hartën europiane të sipërmarrjes inovative.

Home Kryefaqja
Shiko në: YouTube
Lajme të Sugjeruara

Tejkalohen kërkesat për kreditë 0% për strehim, zbulohet ministria me numrin rekord të aplikimeve

Interesi i punonjësve të administratës publike për kreditë e strehimit me 0% interes ka tejkaluar ndjeshëm numrin e kuotave të ofruara. Në përfundim të afatit...
17:05 | 27/09/2026

Kredia rëndon familjet, 1 në 4 huamarrës kalon 30% të të ardhurave

Kredia po rëndon më shumë mbi familjet shqiptare. Edhe pse numri i familjeve me hua ka rënë, 1 në 4 huamarrës shpenzon tashmë mbi 30%...
17:58 | 25/09/2026

Banka e Shqipërisë për rreziqet e jashtme: Luftërat dhe nafta kërcënojnë ekonominë

Banka e Shqipërisë vlerëson se gjendja financiare e familjeve dhe bizneseve mbetet e qëndrueshme, por rreziqet nga zhvillimet ndërkombëtare janë rritur. Luftërat, çmimet e energjisë...
16:57 | 24/09/2026