Ndonëse në një zonë të thellë në qarkun e Kukësit me nxënës, numri i të cilëve bie vit pas viti dhe pa asnjë mbështetje nga zyra arsimore për transportin, mësuesi i historisë Bledar Tota shpenzon nga rroga e tij modeste për të përshkruar 30 km rrugë parrugë, që tu japë mësim nxënësve të tij në zonën e thellë malore të Grykë Çajës.
Kjo është rruga që duhet të bëjë për çdo ditë mësuesi i historiseë Bledar Tota për t’u dhënë mësim nxënësve të tij në shkollën 9-vjecare “Isuf Seferi” në fshatin Fshat të njësisë administrative Grykë Çajë.
Duke qenë se ai është i vetmi mësues që vjen nga qyteti i Kukësit për të dhënë mësim në këtë zonë të thellë malore, zyra vendore e arsimit nuk e ka të mundur të vendos transport për të. Por kjo nuk e ka frenuar Bledarin, që me shpenzimet nga rroga që merr të përballojë transportin dhe të paraqitet për çdo ditë pranë nxënësve të tij madje edhe në kohën e dimrit kur dëbora ja vështirëson së tepërmi rrugën.
E ndërsa vështirësitë nuk e kanë ndalur të ndjekë pasionin e mësimdhënies, Bledari i druhet vetëm një faktori që po përparon çdo vit me ritme të shpejta. Shpopullimi dhe rënia e numrit të nxënësve. Sot kjo shkollë ku ai jep mësim ka patur dikur 500 nxënës, ndërsa sot numërohen vetëm 33 nxënës që marrin mësim në klasa kolektive. (A2 Televizion)
A2 CNN Livestream
MUND TE LEXONI GJITHASHTU
