Një sipërfaqe me bimësi në fshatin Lalm i Ri është përfshirë nga flakët këtë të hënë, duke shkaktuar përhapjen e shpejtë të flakëve në zonën përreth. Zjarri është favorizuar nga bimësia e dendur, por edhe nga era, duke bërë që flakët të përhapen me shpejtësi dhe t’u afrohen disa prej banesave pranë zonës. Pas njoftimit, në vendngjarje kanë mbërritur forcat zjarrfikëse, të cilat kanë nisur menjëherë ndërhyrjen për të frenuar përhapjen e flakëve. Falë ndërhyrjes së tyre, zjarri është vënë nën kontroll dhe është shmangur rreziku që flakët të përfshinin banesat. Aktualisht, ekipet zjarrfikëse vijojnë punën në terren për shuarjen e plotë të zjarrit, ndërkohë që fatmirësisht nuk raportohet për persona të lënduar.