Formacioni i mundshëm, si pritet të luajë Shqipëria ndaj San Marinos

Shqipëria ka zhvilluar stërvitjen e fundit përpara ndeshjes me San Marinon në kryeqytet.

Rolando Maran e ka pasur grupin të plotë, me përjashtim të Klisman Cakes, i cili vijon rikuperimin.

Trajneri italian pritet të bëjë disa ndryshime në formacion, për shkak të kalendarit të ngjeshur dhe ndeshjes së ardhshme ndaj Finlandës.

Maran ka provuar skemën 3-4-3, me Etrit Berishën në portë dhe Gjimshitin, Ismajlin e Sinën në mbrojtje.

Në krahun e majtë të mesfushës pritet të luajë Mitaj, ndërsa në të djathtë Uzuni.

Në qendër të mesfushës janë provuar Shehu dhe Kristjan Asllani, ndërsa Pilo dhe Hysaj pritet ta nisin ndeshjen nga stoli.

Në sulm, treshja mund të përbëhet nga Anis Mehmeti, Rey Manaj dhe Ernest Muçi.