Rama mbledh drejtuesit politikë, ministrat dhe zv.ministrat, ja çfarë diskutuan

Për 90 minuta, kryeministri Edi Rama mblodhi në vilën qeveritare në Sauk drejtuesit politikë, ministrat dhe zv.ministrat.

Temë e diskutimeve me dyer të mbyllura ishte Prania Besnike, teksa tashmë është kthyer në një temë të përjavshme. Drejtuesit politikë raportuan mbi ecurinë e takimeve, ndjekjen e problematikave apo ankesave të raportuara nga qytetarët dhe zgjidhjen e tyre.

Deri më tani, sipas raportimeve nga drejtuesit politikë të qarqeve, Tirana është qarku me numrin më të lartë të ankesave, edhe për vetë faktin se përqendrimi i popullsisë është më i lartë në Tiranë.

Paralelisht, po punohet edhe për platformën Pasqyra Albania, një hapësirë e dedikuar për ankesat e qytetarëve, por edhe për transparencën e nismave të ndryshme ligjore.

Deri në momentin e krijimit të Pasqyra Albania, do të jenë vetë institucionet përkatëse që do t’u përgjigjen qytetarëve, teksa problematikat do t’u delegohen institucioneve nga vetë deputetët dhe ministrat.