Kundër ndarjes në 100 bashki/ Manja: Kemi ngutje, nisma e PS-së të votohet para zgjedhjeve

Mazhoranca ka dalë zyrtarisht kundër propozimit të ardhur nga opozita për Reformën Administrativo-Territoriale, që kërkon ndarjen e vendit në 100 bashki.

Në fjalën e tij në Komisionin e Ligjeve, deputeti socialist dhe kryetari i këtij komisioni, Ulsi Manja, deklaroi se nisma e PS-së duhet të votohet me ngutje, në mënyrë që të zbatohet në zgjedhjet e ardhshme.

“Kemi ngutje sepse ne duam që nisma e deputetëve të PS të votohet brenda afateve në të cilat Presidenti i Republikës cakton datën e zgjedhjeve për pushtetin vendor, sepse ne duam të zbatohet në zgjedhjet e ardhshme. Ky është qëndrimi ynë politik”, tha Manja.

Bazuar në draftin e propozuar nga Partia Demokratike, vendi duhet të ndahet në 100 bashki.

Po sipas propozimit të PD-së, Shqipëria do të organizohet në gjashtë rajone: Shkodër-Lezhë, Dibër-Kukës, Tiranë-Durrës, Elbasan-Korçë, Fier-Berat dhe Vlorë-Gjirokastër./CNA