Protesta për pensionet në Turqi, ish-polici i jep fund jetës në Ankara (VIDEO)

Pensionistët zhvilluan të premten protesta të njëkohshme në të gjithë Turqinë, duke kërkuar rritje të pensioneve. Në Ankara, protesta u mbajt jashtë Gjykatës Kushtetuese, ku demonstruesit u ankuan se të ardhurat e tyre nuk mjaftojnë për të përballuar nevojat bazë.

Gjatë protestës në Ankara, një oficer policie në pension humbi jetën pasi përdori një armë që mbante me vete. 60-vjeçari, i identifikuar nga mediat turke si Ali Sekeroglu, kishte marrë pjesë në demonstratë i mbuluar me flamurin turk dhe kishte shprehur pakënaqësinë për gjendjen ekonomike.

Sipas raportimeve, para incidentit ai kishte thënë se nuk mund ta përballonte më situatën dhe se “ata që na sollën në këtë pikë duhet të turpërohen”.

Në dorë mbante edhe një pankartë, ku shkruhej: “Jo për para, por për nderin tim”.

Incidenti ndodhi ndërsa shoqatat e nëpunësve civilë në pension dhe pensionistëve nga sektorë të tjerë ishin mbledhur jashtë Gjykatës Kushtetuese. Sipas raportimeve, Sekeroğlu ishte baba i dy fëmijëve dhe së fundmi ishte bërë gjysh, por nuk kishte mundur t’i jepte nipit ose mbesës dhuratën e artë që kërkon zakoni.

Pak para protestës, Ali Sekeroglu kishte bërë thirrje për pjesëmarrje përmes një postimi në rrjetet sociale.

“Nëse nuk jeni aty, një person do të mungojë. Mos thoni: ‘Çfarë ndryshimi do të ketë nëse nuk vij?’ Forca është në unitet. Zoti im, ti i dëgjon britmat brenda nesh. Do të doja që shteti ynë dhe ata që na qeverisin t’i dëgjonin gjithashtu”, kishte shkruar ai.

Protestat u zhvilluan në një kohë kur pensionistët shprehen të pakënaqur me nivelin e të ardhurave. Ata brohoritën: “Po kërkojmë të drejtat tona, jo lëmoshë”.

Në korrik, pensioni minimal në Turqi u caktua në 23 552 lira turke në muaj, rreth 420 euro.

PARA İÇİN DEĞİL, ONURUM İÇİN…

Emekli polis, iki çocuk babası Ali Şekeroğlu’nu kaybettik.

Geride bıraktığı söz ise yüreklerde kaldı:

“Bizi bu hâle getiren utansın.”

Allah rahmet eylesin.
Ailesine, evlatlarına ve tüm sevenlerine sabır diliyoruz.#EmekliMemur #TamSigortaYok… https://t.co/GMIrDI7cWU pic.twitter.com/Bzz8qL0URn

— Liyakatli Şöhretsizler (@LSohretsizler) September 26, 2026

İKİ GÜNDE DÖRT İNTİHARA DAİR BASIN AÇIKLAMAMIZDIR.

Değerli kamuoyu,
Dün Yalova'da bir mesai arkadaşımız, bugün çevik kuvvette çalışan 2 aylık genç bir arkadaşımız ayrıca yine bugün 2 emekli meslek büyüğümüz olmak üzere 2 günde 4 intihar vakası gerçekleşti.

Bugün Ali Şekeroğlu… pic.twitter.com/JxZB2NeHMe

— Emniyet Teşkilatı Sendikası (@EmniyetTS) September 25, 2026