Raketa gjigante Starship e SpaceX arriti për herë të parë orbitën të hënën, më 28 shtator, duke kapërcyer një problem me një prej motorëve gjatë fluturimit. Misioni shënon një moment të rëndësishëm për kompaninë e Elon Musk dhe programin e saj për përdorimin e Starship në lëshimin e satelitëve dhe misionet e ardhshme hapësinore.
Starship u ngrit nga baza e SpaceX në Starbase, pranë Brownsville, Teksas, e shtyrë nga raketa përforcuese Super Heavy. Pas ndarjes, përforcuesi u kthye dhe kreu një ulje të kontrolluar në ujërat e Gjirit të Meksikës, ndërsa pjesa kryesore vazhdoi drejt orbitës.
Gjatë fluturimit, njëri prej tre motorëve të Starship u fik më herët nga sa ishte planifikuar. Fillimisht, SpaceX njoftoi se problemi mund të pengonte arritjen e orbitës, por pas analizës së të dhënave nga inxhinierët, anija kreu një ndezje të motorit dhe arriti të hyjë në orbitë.
Nga atje, Starship nisi vendosjen e 26 satelitëve të rinj Starlink në orbitë, duke shënuar edhe transportin e parë orbital të ngarkesës për këtë mjet.
Më pas, Starship u drejtua drejt Oqeanit Paqësor, në perëndim të Kilit, ku shpërtheu gjatë përfundimit të misionit. Pavarësisht kësaj, SpaceX e konsideroi fluturimin të suksesshëm, pasi objektivi kryesor arritja në orbitë dhe vendosja e satelitëve u realizua.
Starship’s 14th flight is set to launch on Monday, Sept 28. The 75-minute launch window opens at 7:15 a.m. CT. Live coverage of the mission starts ~35 minutes before launch → https://t.co/uQKQvgaTmJ
— SpaceX (@SpaceX) September 27, 2026
Fluturimi i 14-të testues vjen pas viteve zhvillim dhe një serie misionesh që kishin mbetur në trajektore suborbitale. Starship është projektuar për të transportuar ngarkesa të mëdha në hapësirë, për të zgjeruar konstelacionin Starlink dhe, në të ardhmen, për të mbështetur misionet e NASA-s drejt Hënës.
Për SpaceX, suksesi i këtij fluturimi hap rrugën drejt synimit për ta përdorur Starship në mënyrë më të shpeshtë dhe për të rritur ndjeshëm ritmin e lëshimeve në vitet e ardhshme.
Sondazh
Lexo gjithashtu
